რომელი ვარჯიშებია საშიში ხანდაზმულებისთვის
საზიანოა ხანდაზმულთა ჯანმრთელობისთვის.
ჩვენი სხეული იცვლება ასაკთან ერთად და ნორმალურია ვიგრძნოთ ცვლილებები კუნთების სიძლიერეში, ძვლის სიმკვრივესა და მოქნილობაში. ასაკთან ერთად იცვლება ტრავმისგან გამოჯანმრთელების სიჩქარე. ამიტომ, ასაკოვან ადამიანებს სჭირდებათ გონივრულად შეცვალონ ვარჯიშის მოცულობა და სირთულე, ასევე უარი თქვან გარკვეული ტიპის ვარჯიშების შესრულებაზე.
ვარჯიში, რომელიც გულისხმობს ფეხების მაღლა და გარეთ გაჭიმვას ტერფების წინააღმდეგობით, მჯდომარე მდგომარეობაში, ხელს უწყობს ბარძაყის კუნთების გაძლიერებას. თუმცა, 50 წელზე უფროსი ასაკის ადამიანებისთვის ასეთი ვარჯიში არასაჭირო სტრესს აყენებს მუხლის სახსარს.
შტანგის თავის უკან გადაწევა ზურგისა და ბიცეფსის დასამუშავებლად, დიდ სტრესს აყენებს მხრების წინა მხარეს, რამაც შეიძლება გამოიწვიოს დაზიანება.
ჯობია აწევა კისრის წინ გაკეთდეს და არა უკან. მხრის ამ ვარჯიშმა, რომლის დროსაც სიმძიმეებს თავს ზემოთ წევენ, შეიძლება დიდი დატვირთვა მოახდინოს მხრებზე და მყესებზე. მყესების დაზიანებები ხშირია 50 წელზე უფროსი ასაკის ადამიანებში, ამიტომ უმჯობესია თავიდან აიცილოთ ეს დატვირთვა.
სიმძიმეების აწევა შესანიშნავი საშუალებაა კუნთების სიძლიერის ასამაღლებლად, მაგრამ 50 წლის ზემოთ ასაკში ადამიანები ფრთხილად უნდა იყვნენ. უმჯობესია ვარჯიში მცირე დატვირთვით შეასრულოთ. ყოველდღიური სიარული შესანიშნავი საშუალებაა ვარჯიშისთვის 50 წლის შემდეგ. სიარული აჩქარებს გულს და ხელს უწყობს გამძლეობის გაზრდას.
50 წელზე უფროსი ასაკის ადამიანებისთვის ველოტრენაჯორები და ელიფსური ტრენაჟორები შესანიშნავია. ისინი კარგად მოქმედებენ სახსრებზე, ვარჯიშის ინტენსივობა შეიძლება თანდათან გაიზარდოს. ასევე შესანიშნავია აქვააერობიკა ან უბრალოდ აუზში ცურვა.