ლალი ჩხიკვაძე

სპეციალურ აღჭურვილობას ან ძვირადღირებულ სპორტული დარბაზის წევრობას. ამავდროულად, ადამიანების უმრავლესობისთვის სიარული ავტომატური პროცესია.

იმავდროულად, ფეხით ათწუთიანი ენერგიული სიარულიც კი შეიძლება სასარგებლო იყოს ჩვენი ჯანმრთელობისთვის.

რა მოხდება, თუ დაიწყებთ უკან სიარულს? ამისათვის თქვენ უნდა „გამორთოთ ავტოპილოტი“, დაძაბოთ ტვინი და სხეული, მთელი ყურადღება მოძრაობაზე გაამახვილოთ და ეს უჩვეულო ვარჯიში შეიძლება კიდევ უფრო სასარგებლო იყოს, ვიდრე რეგულარული სიარული, გვიჩვენებს კვლევა.

ზოგადად, სიარულის პროცესი ბევრად უფრო რთულია, ვიდრე წარმოგვიდგენია. ორ ფეხზე გადაადგილებისთვის, სხეულის ვერტიკალურ მდგომარეობაში შენარჩუნებისას, საჭიროა ყველაზე რთული კოორდინაცია ჩვენს ვიზუალურ სისტემასა და ვესტიბულურ აპარატს შორის, რომელიც თვალს ადევნებს თავისა და სხეულის პოზიციას სივრცეში, ასევე მათი მოძრაობის მიმართულებას. ასევე მნიშვნელოვანია პროპრიოცეპტიური სისტემა, რომელიც პასუხისმგებელია სხეულის ნაწილების პოზიციის შეგრძნებაზე ერთმანეთთან და სივრცეში.

როცა უკან მივდივართ, ტვინისთვის კიდევ უფრო რთული ხდება ყველა ამ სისტემის ერთმანეთთან კოორდინაცია. ამას გარდა

1. სტაბილურობა, წონასწორობა და ტკივილის შემსუბუქება

უკან სიარულის ერთ-ერთი ყველაზე დიდი და კარგად შესწავლილი სარგებელი არის გაუმჯობესებული სტაბილურობა და სხეულის წონასწორობა. 2018 წლის სისტემურმა მიმოხილვამ და ამ თემაზე ორი ათზე მეტი კვლევის მონაცემების მეტა-ანალიზმა აჩვენა, რომ უკან სიარული აუმჯობესებს წონასწორობას როგორც ჯანმრთელ ადამიანებში, ასევე პაციენტებში, რომლებსაც აქვთ მუხლის ოსტეოართრიტი.

ფაქტია, რომ უკან სიარულისას უფრო მოკლე და ხშირ ნაბიჯებს ვდგამთ, რაც ხელს უწყობს ფეხების კუნთების გამაგრებას და ამცირებს სახსრების დატვირთვას.

გარდა ამისა, ის თუ როგორ იხრება და იშლება სახსრები, მუშაობს კუნთები, ხელს უწყობს ტერფის ფასციაში ტკივილის შემსუბუქებას. უფრო მეტიც, სხეულის პოზიციის ცვლილებისას უკან სიარულის დროს, აქტიურდება ხეხემლის გავის ნაწილის კუნთები.

ეს ნიშნავს, რომ უკან სიარული ძალიან სასარგებლო ვარჯიშია მათთვის, ვისაც აწუხებს წელის ტკივილი.

მაგრამ მოძრაობის მიმართულების რადიკალური ცვლილების სარგებელი ამით არ შემოიფარგლება.

2. წონის დაკლება და ფიტნესი

მიუხედავად იმისა, რომ ნორმალური სიარული გვეხმარება ნორმალური წონის შენარჩუნებაში, უკან სიარული ამ თვალსაზრისით კიდევ უფრო ეფექტურია. ენერგიის მოხმარება უკან სიარულისას თითქმის 40%-ით მეტია, ვიდრე იმავე სიჩქარით, მაგრამ წინ სიარულისას. ერთმა კვლევამ აჩვენა, რომ ქალები, რომლებიც დადიოდნენ ან უკუღმა დარბოდნენ სარბენ ბილიკზე ექვსი კვირის განმავლობაში, განიცდიდნენ სხეულის ცხიმის მნიშვნელოვან შემცირებას.

ამავდროულად, უკან სირბილი, ამ ვარჯიშის მთელი სირთულის მიუხედავად, კიდევ უფრო სასარგებლო და ეფექტურია, ვიდრე სიარული. ამ დროს იზრდება ფეხის კუნთების სიძლიერე, რაც არა მარტო აფერხებს დაზიანებებს, არამედ ზრდის სხეულის მთლიან გამძლეობას.

3. როგორ დავიწყოთ უკუღმა სიარული

უკან სიარული მხოლოდ მარტივ ვარჯიშს ჰგავს. როდესაც უკუღმა მივდივართ, ვერ ვამჩნევთ დაბრკოლებებს, რომლებზეც შეიძლება შევეჯახოთ და წავიქცეთ. ამიტომ, უსაფრთხოების მიზნით, უმჯობესია დაიწყოთ ნაცნობ ოთახში ან გარეთ, მაგრამ ბრტყელ, სუფთა ზედაპირზე.

არ მისცეთ საკუთარ თავს მხარს უკან გახედვის უფლება, რადგან სხეული დაიგრეხება. თავი და მკერდი სწორად უნდა გვქონდეს. ამასთან შეეცადეთ ფეხები ზუსტად ერთმანეთის მიყოლებით გადადგათ, ფეხის თითებიდან ქუსლამდე გადახვიდეთ. თავიდან აჩქარება არ არის საჭირო. როცა ტექნიკაში დარწმუნდებით, შეგიძლიათ სიჩქარის მომატება და „სარბენ ბილიკზეც“ წასვლა.

მაგრამ დარწმუნდით, რომ ყოველთვის გექნებათ ყოველი შემთხვევისათვის სახელურები, რომლებსაცც შეიძლება დავეყრდნოთ წონასწორობის დაკარგვისას.