უმადობა ბავშვებში - რა იწვევს მას და რა ზიანის მომტანი შეიძლება გახდეს
2-დან 5 წლამდე ასაკის ბავშვებს ხშირდ უქვეითდებათ მადა, რაც ფიზიოლოგიურ პროცესებთანაა დაკავშირებული, რადგან, დაბადების პირველ წელთან შედარებით, მცირდება ფიზიოლოგიური ზრდის ტემპი, რის გამოც მცირდება ორგანიზმის ნუტრიენტებზე მოთხოვნილება.
ხშირად უმადობის მიზეზი შეიძლება იყოს ნაკლები ფიზიკური აქტივობა. უფრო სერიოზული მიზეზებია კუჭ-ნაწლავის ტრაქტის, ცენტრალური ნერვული სისტემის და სასუნთქი გზების დაავადებები. უმადობა ხშირად გვხდება ვირუსული და ბაქტერიული ინფექციებისას, დიარეის, ყაბზობის, ანგინის, ტონზილიტის მიმდინარეობის დროს.
მოზარდთა ასაკში კი მადის დაქვეითების მიზეზი ხშირად შეიძლება იყოს ანემია, სტრესი და დეპრესია. უმადობას, შესაძლოა, იწვევდეს ანტიბიოტიკები და ზოგიერთი სხვა მედიკამენტი. ტკბილეულისა და გაზიანი სასმელის ხშირი მიღებაც.
უმადობის დროს ბავშვი ვერ იღებს აუცილებელ ვიტამინებსა და მინერალებს. დაბალანსებული და ჯანსაღი საკვები კი ბავშვის ორგანიზმისთვის აუცილებელი ვიტამინების, მინერალებისა დასხვა სასარგებლო ნივთიერებების მთავარი წყაროა.
როდესაც ორგანიზმი საკმარისი, აუცილებელი ნუტრიენტებით ვერ მარაგდება, თავს იჩენს პრობლემები, როგორიცაა ჰიპო და ავიტამინოზი, რაც, თავის მხრივ, იწვევს ისეთი პრობლემებს, როგორებიცაა: ანემია, კანის სიმშრალე, საერთო სისუსტე და მოთენთილობა, კონცენტრაციის გაუარესება, ყაბზობა, მცირე სხეულის მასა ან ჭარბი წონა, სიმაღლეში ზრდის შეფერხება ან კარიესი. ხშირი ავადობა ერთ-ერთი პრობლემაა, რადგან ეს ყველაფერი აქვეითებს იმუნურ სისტემას.
პრობლემის აღმოსაფხვრელად, პირველ რიგში, ბავშვის რაციონში უნდა შეიზღუდოს დიდი რაოდენობით ცხიმები. ხოლო, შაქარი, მარილი და გაზიანი სასმელი საერთოდ ამოიღოთ მათი დღის წესრიგიდან. აუცილებლად გასათვალისწინებელია საკვების ულუფა და მიღების ჯერადობა. ეცადეთ, ბავშვს ჩამოუყალიბდეს ჯანსაღი კვების რეჟიმი, იკვებოს ერთსა და იმავე დროს, კვებიდან-კვებამდე შუალდებში ნუ მისცემთ არაჯანსაღ წასახემსებლებს. მნიშვნელოვანია, რომ ბავშვის რაციონი იყოს მრავალფეროვანი, მდიდარი ცილებით, ჯანსაღი ცხიმებით, ნახშირწყლებითა და უჯრედისით, რომელთა მთავარი წყაროა ხილი-ბოსტნეული, ხორცეული, თევზეული და ბურღულეული.
თუ ბავშვს აქვს უმადობა ან არ იღებს სათანადო რაოდენობით სასარგებლო, ჯანსაღ საკვებს,განსაკუთრებით, შემოდგომა-ზამთრის პერიოდში, როდესაც ისედაც მაღალია ორგანიზმის მოთხოვნილება სხვადასხვა ნუტრიენტებზე, მადის გაუმჯობესებისა და ბავშვის ორგანიზმში ვიტამინებისა და მინერალების ბალანსის აღდგენისთვის შესაძლებელია მულტივიტამინური კომპლექსების ჩართვა, რაც ხელს უწყობს ბავშვის ჯანსაღ ზრდა-განვითარებას.
უმჯობესია მულტივიტამინური კომპლექსის შერჩევა და დოზის განსაზღვრა მოხდეს ექიმის მიერ.
