მივიწყებული კუბები - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მივიწყებული კუბები

უკანასკნელი ათწლეულის განმავლობაში საბავშვო მაღაზიების ასორტიმენტი საგრძნობლად გაფართოვდა. ამ მრავალფეროვნებამ თითქოს გააუფერულა კუბი – ჩვენი ბავშვობის საყვარელი სათამაშო. მისი მივიწყება ნამდვილად არ არის გამართლებული. კუბი პირველი საშენი მასალაა, რომელსაც პატარა ეცნობა, თუმცა მის პაწაწინა ხელებში ის ჯერ კიდევ მაშინ აღმოჩნდება, როცა ბავშვს "ცათამბჯენების" მშენებლობა აზრადაც არ მოსდის. ჩვეულებრივ, პატარას კუბს 6 თვის ასაკიდან აძლევენ. მის დასაჭერად აუცილებელია ხელის წვრილი კუნთების შეთანხმებული მუშაობა. ასე რომ, მცირე ასაკში კუბის დაჭერა და მისი მოძრაობა წვრილი კუნთების მოტორიკის განვითარებას უწყობს ხელს.

10-12 თვიდან

ამ ასაკში ბავშვები სწავლობენ კუბის კუბზე დადებას და მათ დაწყობას ერთი ხაზის გასწვრივ. ეს სულაც არ არის მარტივი თამაში. ასეთი უმნიშვნელო „მშენებლობის" დროსაც კი ბავშვი სწავლობს მრავალ საგანს შორის საჭირო ელემენტების არჩევას, ნაწილების შეერთებას, საგნების შერჩევას ერთი ნიშნის მიხედვით. „შენობა“ მყარი რომ იყოს, კუბები ზომების მიხედვით ზუსტად უნდა მოთავსდეს თავ-თავის ადგილას, რაც სრულყოფს მოძრაობის კოორდინაციას, ყურადღებას, ლოგიკურ აზროვნებას.

1,5-დან 2 წლამდე

ამ ეტაპზე კუბები შესანიშნავია ფერების შესასწავლად. ერთ კუბზე 6 ფერი შეიძლება მოთავსდეს. კუბის მნიშვნელოვანი თვისებაა ადგილის ეკონომია. ამ თვისებების გამო მრავალი ავტორი, რომელიც ბავშვის ადრეული განვითარების საკითხებზე მუშაობს, კუბს დამსახურებულ პატივს მიაგებს.

2,5 წლიდან სასკოლო ასაკამდე

ამ ეტაპზე აქტუალურია სურათებიანი კუბები. ეს შეიძლება იყოს ბავშვისთვის კარგად ნაცნობი ცხოველების ან საგნების გამოსახულება. მინიმალური ნაკრები 4 კუბისაგან შედგება, თუმცა კუბებმა შეიძლება მთლიანად დაიტიოს ნაცნობი ზღაპრის სიუჟეტი. ასეთი კუბები ბავშვს აზროვნებას, ყურადღებასა და მეხსიერებას უვითარებს. არსებობს კუბები, რომელთა წახნაგებიდანაც შესაძლებელია ფიგურების ამოღება, თუმცა ამგვარი სათამაშო მხოლოდ სამი წლის შემდეგ არის დასაშვები - სამ წლამდე ასაკის პატარამ შესაძლოა სათამაშოს დეტალი ჩაყლაპოს. სამაგიეროდ, სწორი მიდგომისას პაწაწინა მათი მეშვეობით ფორმისა და ფიგურის გარჩევას სწავლობს. ზოგიერთმა შესაძლოა ფიგურა ამოიღოს და უკანვე დააბრუნოს, თუმცა ამ ამოცანის შესრულება სულაც არ არის მარტივი. კუბი მაშინაც შეიძლება გამოიყენოთ, თუ დაძველდა და დაიშალა – მისი მეშვეობით ბავშვს შეიძლება გეომეტრიის ელემე-ნტარული ცნებები მივაწოდოთ. გავაცნოთ კვადრატი, წახნაგი. ასე რომ, იმედია, თქვენი შვილის ოთახში თანამედროვე სათამაშოების გვერდით კუბისათვისაც მოიძებნება ადგილი.