თინათინ გოცაძე

აღნიშნული სიტყვები ისეთი დამთრგუნველია ხოლმე, რომ ზოგჯერ მათ წარმოთქმასაც კი ერიდებიან და ნაცვლად იყენებენ ტერმინებს: „ვერაგი დაავადება“, „ცუდი დაავადება“ და ა. შ.

სამწუხაროდ, ყველა ვიცნობთ ადამიანებს, რომლებიც შეეჯახნენ ამ დაავადებას და ვერ გაუმკლავდნენ მას.

არსებობს ტერმინი კანცეროფობია (ბერძნულიდან კანკიროს – კიბო, ფობოს – შიში). მართლაც, კიბო გვაშინებს! ის საშინელია! მეორე ადგილზეა ადამიანთა სიკვდილის მიზეზთა შორის, მისი მკურნალობა ძალიან რთულია და შედეგი ყოველთვის არ არის კეთილსაიმედო!

თუკი ინტერნეტში კიბოს შესახებ ინფორმაციის მოძიებას შეუდგებით, მეტად არასაიმედო მონაცემებს წააწყდებით.

მაგალითად, 2020 წლის იანვარში გარდაიცვალა ანდრეი პავლენკო, რუსი ექიმი-ონკოლოგი, ოპერატორი-ქირურგი და სანქტ-პეტერბურგის უნივერსიტეტის ნ. ი. პიროგოვის სახელობის უმაღლესი სამედიცინო ტექნოლოგიების კლინიკის კიბოს ცენტრის ხელმძღვანელი. სიკვდილის მიზეზი – კიბო. რა შეიძლება იყოს უიმედობის კიდევ უფრო მეტად განმაპირობებელი? ამ კაცის ხელთ იყო ყველა უახლესი სამედიცინო ტექნოლოგია და მან ვერ დაძლია ეს დაავადება. რა უნდა ქნას მაშინ უბრალო მოკვდავმა?

პასუხი კითხვაზე არც ისე მარტივია...

და მაინც, მოდი, უფრო ახლოს გავიცნოთ კიბო, ის ვერაგი დაავადება, რომლის გაცნობა არც ისე სასიამოვნოა, მაგრამ როგორც ამბობენ: „მტერი პირადად უნდა გაიცნო!“

კიბო არის დაავადებათა მთელი ჯგუფი, რომელსაც საფუძვლად უდევს უჯრედების უკონტროლო დაყოფა. ჯანსაღი უჯრედები იყოფა (მრავლდება) და რაღაც მომენტში ხდება მათ გენებში დარღვევა – ისინი იწყებენ უკონტროლოდ დაყოფას, შემდეგ კი მთელ სხეულში გავრცელებას – ეს უკვე მეტასტაზებია. მეტასტაზები ბერძნულიდან თარგმანით ნიშნავს „გადაადგილებას“. მეტასტაზი ფაქტობრივად კიბოს უჯრედია, რომელიც მოსწყდა სიმსივნურ კერას, გადაადგილდა სხეულის სხვა ნაწილში, იქ მიმაგრდა და დაიწყო ახალი სიმსივნის შექმნა (წარმოქმნა).

დაავადება არახალია. სახელი მას ჰიპოკრატემ დაარქვა, რომელიც ჩვენს წელთაღრიცხვამდე IV საუკუნეში ცხოვრობდა. ამ დაავადების აღწერისას ჰიპოკრატემ აღნიშნა, რომ დიდი სიმსივნე (კიბო) ემსგავსება კიბოს საცეცებს, ამიტომაც უწოდა მან ნოზოლოგიას კანკიროს (კიბო). მოგვიანებით მან აღწერა კიბოს მრავალი ფორმა და შემოიღო კიდევ ერთი ტერმინი – „ონკოს“, რაც ბერძნულად ნიშნავს „სიმძიმეს, ტვირთს“. ასე დამკვიდრდა ტერმინი „ონკოლოგია“.

უკვე მრავალი წელია, კიბოს ტრადიციული მკურნალობის მეთოდები მოიცავს ქირურგიას, ქიმიოთერაპიასა და რადიოთერაპიას. ქიმიოთერაპია არის მეთოდი, რომლის დროსაც ადამიანი იღებს კიბოს უჯრედების გამანადგურებელ ძლიერ ქიმიურ ნივთიერებებს. სამწუხაროდ, ეს ნივთიერებები კლავს არა მხოლოდ სიმსივნურ უჯრედებს, არამედ ბევრ სხვა რამესაც ორგანიზმში, რადგან ეს ნივთიერებები ვერ განასხვავებენ, რა მოკლან და რა – არა. რადიოთერაპია არის მეთოდი, რომელიც გულისხმობს სიმსივნის დასხივებას რადიოაქტიური ნაწილაკებით. ყველა ეს მეთოდი ძალიან მძიმეა ორგანიზმისთვის, ძნელად გადასატანი, და არც ერთი მათგანი არ იძლევა სრული გამოჯანმრთელების გარანტიას.

არ შეიძლება იმის უარყოფა, რომ ამ მეთოდებს არაერთი ადამიანი გადაურჩენია, არაერთისთვის გაუხანგრძლივებია სიცოცხლე, მაგრამ ისიც ფაქტია, რომ ბევრი ადამიანი ვერ გამოჯანმრთელდება და მკურნალობის პროცესში იღუპება.

ყველაზე საინტერესოა ის, რომ ტრადიციული მკურნალობის გარდა, არსებობს კიბოს ალტერნატიული ხედვა და მკურნალობის არატრადიციული მეთოდები, არიან ადამიანები, რომლებიც სიმსივნისგან განკურნებულან მე-4 სტადიაზეც კი, როცა დაავადება შორს წასული და მთელ სხეულში გავრცელებული იყო, რის გამოც ექიმები გადარჩენის შანსს ვერ ხედავდნენ, რამდენიმე თვის სიცოცხლე დარჩა პაციენტსო – ასკვნიდნენ. ძალიან ბევრი ფაქტია, რომ ალტერნატიული მკურნალობის არჩევისას პაციენტები სრულად გამოჯანმრთელებულან და თან არ გაუკეთებიათ ოპერაცია, არ ჩაუტარებიათ ქიმიო- და რადიოთერაპია.

ახლა გავიცნოთ ის ალტერნატიული შეხედულებაც, რომელიც ამბობს, რომ კიბო მეტაბოლური (ნივთიერებათა ცვლის) დაავადებაა. ჯერ კიდევ 1931 წელს გერმანელმა ბიოქიმიკოსმა, ოტო ვარბურგმა, მიიღო ნობელის პრემია კიბოს დარგში აღმოჩენისთვის. მან აღმოაჩინა, რომ კიბოსა და ჯანსაღი უჯრედები ენერგიას სრულიად განსხვავებული გზით გამოიმუშავებენ. უჯრედებს აქვთ მიტოქონდრიები. შეიძლება ითქვას, რომ ეს არის პატარა ელექტროსადგურები: საკვები ნივთიერებები შედის უჯრედში, მიტოქონდრიებში ისინი ერწყმის ჟანგბადს (სხვა სიტყვებით რომ ვთქვათ, ისინი იწვება) და ამავე დროს წარმოიქმნება ენერგია, რომელიც უჯრედს სჭირდება სიცოცხლისა და დაყოფისთვის. კიბოს უჯრედებში ეს ელექტროსადგურები დაზიანებულია და გაცილებით ნაკლებია, ვიდრე ჯანმრთელ უჯრედში, ამიტომაც კიბოს უჯრედი სხვაგვარად გამოიმუშავებს ენერგიას. კიბოს უჯრედებში ენერგიის გამომუშავება ჟანგბადის გარეშე ხდება და ამ უჯრედებს მხოლოდ გლუკოზის (შაქრის) გამოყენება შეუძლიათ საწვავად. ამიტომ, როდესაც შაქარი არ შედის ორგანიზმში, მაგრამ შედის ჟანგბადი, კიბოს უჯრედები „დეენერგიულია“, მათ არ შეუძლიათ ცხოვრება და დაყოფა. ეს არის ალტერნატიული მკურნალობის საფუძველი, რომელიც უკვე დაეხმარა ათასობით ადამიანს ამ დაავადების დამარცხებაში.

ამრიგად, თუ ადამიანი დაარეგულირებს დიეტას, გამორიცხავს საკვები რაციონიდან ყველა სახის შაქარს და დაამატებს კიბოს საწინააღმდეგო ნივთიერებებს, ასევე ქსოვილებს ჟანგბადით მოამარაგებს, კიბო ვერ გადარჩება. იგივე მეთოდის გამოყენება შეიძლება დაავადების საპროფილაქტიკოდ.

ყველა ის ალტერნატიული საშუალება, რომელიც ზრდის ქსოვილებში ჟანგბადის მიწოდებას, ასევე შეიცავს კიბოს საწინააღმდეგო ნივთიერებებს, სიმსივნის დამარცხებაში ეხმარება ონკოპაციენტებს.

როდესაც საუბრობენ კიბოს საწინააღმდეგო ნივთიერებებზე, გულისხმობენ იმ კომპონენტებს, რომლებიც ანადგურებს კიბოს უჯრედებს, ხელს უშლის მათ დაყოფა-გამრავლებას, ზრდის ჟანგბადის მიწოდებას, ამით აფერხებს ავთვისებიანი უჯრედების ზრდას და აჩქარებს მათ სიკვდილს.

ასეთია მაგალითად, ბეტა-გლუკანები (კომპლექსური ნახშირწყლები, რომლებიც გვხვდება ზოგიერთ ბალახოვან მცენარესა და სოკოში). ბეტა-გლუკანები ასტიმულირებს სიმსივნის საწინააღმდეგო იმუნიტეტს და ააქტიურებს სიმსივნის საწინააღმდეგო დამცავ უჯრედებს.

გარდა ამისა, საყურადღებოა, ტრიტერპენები, ნივთიერებები, რომლებიც მცენარეებს სურნელს ანიჭებენ. ლაბორატორიულმა ტესტებმა აჩვენა, რომ ტრიტერპენებს კიბოს საწინააღმდეგო თვისებები აქვთ: ისინი თრგუნავენ მეტასტაზებს, არ აძლევენ გამოყოფილ კიბოს უჯრედებს სხეულის სხვა ქსოვილებზე მიმაგრების საშუალებას.

ამგვარად, თუ კარგად გაიცნობთ კიბოს და გაითვალისწინებთ მის თავისებურებებზე დაფუძნებულ საპროფილაქტიკო რჩევებს, დაავადება საშიშად აღარ მოგეჩვენებათ და ბევრი პაციენტის დახმარებასაც შეძლებთ კიბოს დამარცხებაში!