ლალი ჩხიკვაძე

ექსპერტებმა დაასახელეს არაერთი პროდუქტი, რომელსაც შეუძლია დადებითი გავლენა მოახდინოს პროსტატის კიბოს მკურნალობაზე. კვლევის შედეგები წარმოდგენილია კლინიკური ონკოლოგიის ამერიკული საზოგადოების (ASCO) ვებსაიტზე. ექსპერტების აზრით, ისეთი საკვები, როგორიცაა ბროკოლი, მოცვი, მწვანე ჩაი და პრობიოტიკები, ხელს უწყობს პროსტატის კიბოს პროგრესირების შენელებას. პროსტატის კიბოს მქონე 212 მამაკაცზე ჩატარებულმა კვლევამ აჩვენა, რომ მათ, ვინც აღნიშნული საკვები დაამატეს კვების რაციონში, შეძლეს პროსტატის კიბოს პროგრესირების 42%-ით შენელება.

ამ პაციენტებს დაუსვეს დაბალი რისკის კიბო, რაც ნიშნავს, რომ სიმსივნე ნელა იზრდება და არ ვრცელდება ჯირკვლის მიღმა. კვლევა ოთხი თვე გაგრძელდა. კვლევის დაწყების დროს პაციენტები განიხილავდნენ პოტენციურ ოპერაციულ მკურნალობას, რადგან მათ თანკიბო პროგრესირებდა. მაგრამ კვლევის ბოლოს მკურნალობის შედეგები იმდენად გაუმჯობესდა, რომ ბევრმა არჩია დაკვირვების ქვეშ ყოფნა.

• „ჩვენი აღმოჩენები იმედს აძლევს პროსტატის კიბოს მქონე ბევრ მამაკაცს, რომ მათ შეუძლიათ პოტენციურად გააკონტროლონ დაავადება კვების რაციონის შეცვლით“, - განმარტეს მეცნიერებმა.

კვლევისას პაციენტებს მიეცათ საკვები დანამატი, რომელიც მზადდებოდა ერთიანი კონცენტრირებული საკვებისგან: ბროკოლი, კურკუმა, ბროწეული, მწვანე ჩაი, ორგანული ჯანჯაფილის ფესვი და მოცვი.

პაციენტების ნახევარს ასევე მისცეს პრობიოტიკური კაფსულა, რომელიც შეიცავს სასარგებლო ბაქტერიებს, ინულინს და D ვიტამინს.

მამაკაცებში, რომლებიც იღებდნენ მხოლოდ დანამატს, კიბო უფრო ნელა პროგრესირებდა, ვიდრე კვლევის დაწყებამდე ექვსი თვის განმავლობაში. ხოლო მათ, ვინც იყენებდა ორ დანამატს, კიბოს პროგრესირება 42%-ით შენელებული იყო. სიმსივნური ზრდა შემცირდა ხუთ მამაკაცში, რომლებიც იყენებდნენ ორივე დანამატს. დანარჩენისთვის ის სტაბილურად დარჩა.

გარდა ამისა, ორივე ჯგუფის მამაკაცებმა აღნიშნეს შარდის სიმპტომების 25%-ით გაუმჯობესება, მათ შორის ისეთი პრობლემების, როგორიცაა შარდის შეუკავებლობა და ღამით ტუალეტში სიარული.

ექსპერტებმა ხაზგასმით აღნიშნეს, რომ ასეთი პროდუქტების სარგებლობის მიზეზი, არის მათში შემავალი ფიტოქიმიური ნივთიერებები, რომლებიც აძლიერებენ ორგანიზმის ანტიოქსიდანტურ აქტივობას. ეს იცავს დნმ-ს დაზიანებისგან. გარდა ამისა, ისინი ათავისუფლებენ ზედმეტ ანთებას, რაც კიბოს განვითარების მძლავრ რისკ-ფაქტორად ითვლება. ეს ნივთიერებები ასევე მნიშვნელოვან როლს ასრულებენ ნაწლავში სასარგებლო ბაქტერიების ჯანსაღი ბალანსის შენარჩუნებაში. ჯანსაღი ნაწლავი ხელს უშლის ორგანიზმში ტოქსინების შეღწევას, რამაც ასევე შეიძლება გამოიწვიოს კიბო.

ფიტოქიმიური ნაერთების ორი კაფსულა შეიცავდა ნივთიერებებს, რომლებიც ექვივალენტურია ბროკოლის ხუთი ყვავილედის, ნახევარი ბროწეულის, ერთი სუფრის კოვზი კურკუმის, სამი ჭიქა მწვანე ჩაის, 10 მოცვისა და კოჭას 1 სმ ზომის ახლად გახეხილი კუბიკის.