ძუძუთი კვება იცავს ბავშვს ვირუსებისგან
რაოდენობა და მრავალფეროვნება მეკონიუმში (ახალშობილთა პირველ განავალში) და შემდეგ ატარებდნენ ამ ანალიზს ყოველთვიურად ერთი წლის განმავლობაში.
დაბადებისთანავე, ჩვილების განავალში მიკროორგანიზმები არ ან ძალიან ცოტა იყო. მაგრამ დაბადებიდან ერთი თვის შემდეგ, ნაწლავებში მცხოვრები ბაქტერიების და ვირუსების პოპულაცია (ნაწლავის მიკროფლორა) კარგად განვითარებული აღმოჩნდა. უფრო მეტიც, ვირუსების უმეტესობა, რომლებიც ახალშობილის ნაწლავებში კოლონიზირებენ, პოტენციურად პათოგენურია (შეიძლება გამოიწვიოს სხვადასხვა ინფექციური დაავადება).
თუმცა, როგორც მეცნიერებმა დაადგინეს, დედის რძეს აქვს ძლიერი დამცავი ეფექტი: ის ხელს უშლის ბავშვის ნაწლავებში საშიში ვირუსების დაგროვებას. ეს ეფექტი ხდება შერეული კვების დროსაც კი.
საკმარისია, რომ დედის რძე მცირე რაოდენობით მაინც მოხვდეს ბავშვის ორგანიზმში და მნიშვნელოვნად ნაკლები პათოგენური ვირუსები იქნება ბავშვის ნაწლავის მიკროფლორაში.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
„ეს საშუალებას გვაძლევს უკეთ გავიგოთ, რატომ უვითარდება ზოგიერთ ბავშვს მძიმე, სიცოცხლისათვის საშიში ინფექციები სიცოცხლის პირველ თვეებში“, განმარტა კვლევის წამყვანმა ავტორმა ფრედერიკ ბუშმანმა.
ასევე წაიკითხეთ:
დედის რძის შემადგენლობა ყოველდღე იცვლება, რათა ბავშვის მოთხოვნილებებს მოერგოს. მის შესახებ გვესაუბრება პედიატრი ნინო მეზვრიშვილი. - ძუძუთი კვება გულისხმობს უზარმაზარ პასუხისმგებლობას დედის მხრიდან და წარმოადგენს ორი ორგანიზმის, დედისა და ჩვილის, ძალიან რთულ ურთიერთქმედებას. ჩვილი იღიმის და ღუღუნებს - დედა გრძნობს სიყვარულის, სითბოს, მზრუნველობის მოზღვავებას და ამ დროს მის ორგანიზმში გამოიყოფა ჰორმონი ოქსიტოცინი, რომელიც ხელს უწყობს რძის გამოყოფას. ჩვილი ავადაა - იწყება გაცვლითი პროცესი მის ნერწყვსა და დედის დვრილების რეცეპტორებს შორის და რამდენიმე საათში დედის რძე გამდიდრდება იმუნური სხეულებით, რომლებიც ბავშვის ორგანიზმს დაავადებასთან ბრძოლაში ეხმარება.
რა ნივთიერებებს შეიცავს დედის რძე
დედის რძის შემადგენლობაში შემავალი ნივთიერებების დათვლა წარმოუდგენელია. მათი რიცხვი დაახლოებით 400-500-ს აღწევს. ამასთან, დედის რძის შემადგენლობა განუწყვეტლივ იცვლება - არათუ დღე-ღამეში, არამედ კვებიდან კვებამდეც კი. გაირკვა, რომ იმ ქალების რძე, რომლებიც ჩვილებს ძუძუს კი არ აწოვებენ, არამედ ბოთლიდან ასმევენ გამოწველილ რძეს, შემადგენლობით უფრო ღარიბია. ამის მიზეზი კი დედა-შვილს შორის ცოცხალი ურთიერთობის არარსებობაა. ქალის რძე კარდინალურად განსხვავდება ძროხისა თუ თხის რძისგან. ამ განსხვავების უმთავრესი მიზეზი ის გახლავთ, რომ ქალის რძე ბავშვისთვის, მისი ზრდა-განვითარების, ორგანოებისა და სისტემების სრულყოფილად ჩამოყალიბებისთვის არის საჭირო. ბავშვი სუსტი და მოუმწიფებელი იბადება, მასზე ბევრი არასასურველი გარეგანი ფაქტორი მოქმედებს. დედის რძე ბევრ დამცავ ნივთიერებას შეიცავს. სიცოცხლის პირველ წელს ყველაზე აქტიურად ვითარდება ნერვული სისტემა, ამიტომ დედის რძის შემადგენლობაში ჭარბობს ზრდის ფაქტორები და ცხიმოვანი მჟავები. ხბო და თიკანი ბიოლოგიურად განსხვავებული არსებები არიან, მათთვის უფრო მნიშვნელოვანია კუნთოვანი მასის განვითარება და ძროხისა და თხის რძის შემადგენლობაც ამას უზრუნველყოფს.
ადაპტირებული ნარევები შემადგენლობით დედის რძეს უახლოვდება. შეუძლიათ თუ არა მათ, სავსებით შეცვალონ დედის რძე
ადაპტირებული ნარევების ამოცანაა, ძროხისა თუ თხის რძის შემადგენლობა ქალის რძისას მიუახლოოს. ამისთვის მათში ამცირებენ ცილების რაოდენობას, ამატებენ ზოგიერთ ვიტამინს, მინერალურ ნივთიერებასა და ცხიმოვან მჟავებს. მაგრამ მეცნიერებას ჯერ არ ძალუძს, დაუმატოს ხელოვნურ ნარევს ბავშვისთვის აუცილებელი ყველა ნივთიერება. 40-50 კომპონენტი - ეს ის მაქსიმუმია, რომელიც დანაკარგის გარეშე შეიძლება აითვისოს ორგანიზმმა, ხოლო დედის რძეში მხოლოდ ოლიგოსაქარიდია 130 და ყველას თავ-თავისი როლი აკისრია ბავშვის ჯანმრთელობის შენარჩუნებისთვის. ხელოვნური ნარევები არ შეიცავს ზრდის, იმუნურ ფაქტორებს და ჰორმონებს, ამიტომ დედის რძე, თუნდაც გამოწველილი, ყოველთვის გაცილებით სასარგებლოა ბავშვის მზარდი ორგანიზმისთვის, ვიდრე ადაპტირებული ნარევები და ცხოველური რძე. განაგრძეთ კითხვა
