კოფეინის ეფექტურობა ეჭვქვეშ დადგა
ჟურნალ Frontiers in Behavioral Neuroscience-ში გამოქვეყნებული კვლევა აჩვენებს, რომ მხოლოდ კოფეინის მიღებისას (არა ყავაში) მონაწილეებს შორის არ გააქტიურდა ტვინის შესაბამისი რეგიონები, რაც შეიძლება მიუთითებდეს სასმლის დალევისას პლაცებოს ეფექტზე.
კვლევის დროს ავტორებმა სთხოვეს მონაწილეებს თავი შეიკავონ კოფეინის შემცველი საკვებისა და სასმელებისგან კვლევის დაწყებამდე, სულ მცირე, სამი საათით ადრე. შემდეგ სუბიექტები სვამდნენ ერთ ფინჯან ყავას დღეში და ექსპერტებმა ჩაატარეს ტვინის MღI სკანირება: ერთი ფინჯანი ყავის მიღებამდე და მიღებიდან 30 წუთის შემდეგ.
პროცედურის დროს მოხალისეებს სთხოვდნენ დაესვენათ.
ჯგუფმა წამოაყენა ჰიპოთეზა, რომ ადამიანებს, რომლებიც სვამდნენ ყავას, უფრო მაღალი აქტივობა ექნებათ პრეფრონტალურ ქერქში, რომელიც პასუხისმგებელია აღმასრულებელ მეხსიერებაზე, ისევე როგორც იმ ზონაში, რომელიც ჩართულია თვითანალიზსა და თვითრეფლექსიაში.
თუმცა აღმოჩნდა, რომ როგორც კოფეინის მიღებისას, ასევე ყავის მოხმარებისას ადამიანებს უფრო მეტად სურდათ გადასულიყვნენ დასვენებიდან დავალების შესრულებაზე. ამავდროულად, ფინჯანი ყავის დალევა აძლიერებდა კავშირს ტვინის იმ ნაწილებში, რომლებიც ჩართულია სამუშაო მეხსიერებაში, კოგნიტურ კონტროლსა და მიზანმიმართულ ქცევაში.
თუმცა ეს ადგილები არ იყო ისეთი აქტიური, როდესაც მონაწილეები იღებდნენ მხოლოდ კოფეინს.
სხვა სიტყვებით რომ ვთქვათ, მხოლოდ კოფეინი არ არის საკმარისი კონცენტრაციისთვის – უნდა დალიოთ ფინჯანი ყავაც. უფრო მეტიც, ეს ეფექტები არ მიიღეს კოფეინის შემცველი სხვა სასმელების გამოყენებისას.
დიდი ალბათობით, შრომის უნარის მატება განპირობებული იყო ყავის განსაკუთრებული სუნით და გემოთი ან ამ სასმლის მიღებასთან დაკავშირებული ფსიქოლოგიური მოლოდინებით.
ამერიკელმა მეცნიერებმა აღმოაჩინეს წამლების კომბინაცია, რომელიც ეფექტურია კიბოს აგრესიული ფორმის წინააღმდეგ.
ამერიკელმა ექიმებმა დაადგინეს, რომ კიბოს საწინააღმდეგო ორი არსებული პრეპარატის კომბინაცია განსაკუთრებით ეფექტურია პანკრეასის სიმსივნურ უჯრედებზე ზემოქმედებისთვის. ამის შესახებ განაცხადა სან დიეგოს კალიფორნიის უნივერსიტეტის პრესსამსახურმა (UCSD).
კვლევა გამოქვეყნდა ჟურნალში Cancer Research.
„მედიკამენტებს შორის სინერგია საოცრად ძლიერი იყო. ჩვენ მოვუწოდებთ დავიწყოთ მედიკამენტების ამ კომბინაციის ადრეული ცდები იმ მოხალისეების მონაწილეობით, რომლებსაც ჰქონდათ პანკრეასის კიბოს მძიმე ფორმები“, – თქვა UCSD პროფესორმა, ენდრიუ ლოუიმ, რომლის სიტყვებსაც ციტირებს უნივერსიტეტის პრესსამსახური.
ამერიკელი მკვლევრების აზრით, პანკრეასის კიბო რჩება კიბოს ერთ-ერთ ყველაზე გავრცელებულ და მომაკვდინებელ სახეობად მსოფლიოში. იგი ყოველწლიურად უვლინდება დაახლოებით 460 ათას ადამიანს, ხოლო პირველადი სიმსივნეები, მეტასტაზები და ამ ნეოპლაზმების განვითარებასთან დაკავშირებული გართულებები ყოველწლიურად დაახლოებით 432 ათას პაციენტს კლავს.
საშუალოდ, სიმსივნის გამოვლენიდან ხუთი წლის შემდეგ პაციენტების მხოლოდ 9% გადარჩება.
ახალი ნაშრომის ავტორებმა დაადგინეს, რომ პანკრეასის კიბოს ყველაზე მძიმე ფორმების მკურნალობის ეფექტურობა შეიძლება რამდენჯერმე გაიზარდოს კიბოს საწინააღმდეგო უკვე გამოყენებული ორი წამლის, MRTX1133-ისა და აფატინიბის კომბინაციით. პირველი ნივთიერება გამოიყენება მსხვილი ნაწლავისა და სწორი ნაწლავის კიბოს სამკურნალოდ, მეორე კი ფილტვების ავთვისებიანი სიმსივნეების საწინააღმდეგოდ.