საინტერესო ისტორიების მოსმენისას მსმენელთა გულები უნისონში სცემენ
როდესაც ადამიანები ერთდროულად უსმენდნენ ჟიულ ვერნის „ოცი ათასი ლიე წყალქვეშ“ აუდიო ვერსიას, მათი გულისცემა იყო სინქრონული, მიუხედავად იმისა, თუ სად იყვნენ იმ დროს. თუმცა, იგივე მოხდა, როდესაც მონაწილეებს აჩვენეს სასწავლო ვიდეოები. ეს იმაზე მეტყველებს, რომ აღმოჩენილი ფენომენი არ არის დაკავშირებული ემოციებთან, როგორც ეს შეიძლება ჩანდეს, განმარტავენ მკვლევარები.
როდესაც მსმენელთა ყურადღება მიზანმიმართულად იფანტებოდა, მათი გულისცემის სინქრონიზაცია შემცირდა, ისევე როგორც მათი უნარი დაიმახსოვრონ რაზე იყო საუბარი. მკვლევარების აზრით, ეს ურთიერთობა აჩვენებს, რომ გულისცემის ცვლილებების შესახებ სიგნალები ტვინიდან მოდის.
„მნიშვნელოვანია, რომ მსმენელი შეგნებულად ადევნებდეს თვალს იმას, რაც სიუჟეტში ხდება. ეს არ ეხება ემოციებს, ეს არის ფიქრი იმაზე, თუ რა იქნება შემდეგი და ამ შემთხვევაში გული რეაგირებს ტვინიდან მოსულ სიგნალებზე“, - განმარტა ერთ-ერთმა ავტორმა, ნეირობიოლოგმა ჯაკობო სიტმა. ის და მისი კოლეგები თვლიან, რომ თუ დასკვნები დადასტურდება შემდგომ კვლევებში, გულისცემის სინქრონიზაციის ტესტი შეიძლება გამოყენებულ იქნას პაციენტებში ტვინის ფუნქციის შენარჩუნების შესაფასებლად ინსულტის ან ტვინის ტრავმული დაზიანების შემდეგ.
