როგორ ინარჩუნებს 39 წლის მამაკაცი ახალგაზრდობას
გზა ბიოლოგიური ასაკის მინიმუმ ათი წლით შესამცირებლად. ბიოჰაკერმა Daily Mail-თან ინტერვიუში მარადიული ახალგაზრდობის მთავარი საიდუმლოებები დაასახელა.
მამაკაცის თქმით, ძილის რეჟიმის დაცვა, დიეტა, ვარჯიში და ორგანიზმში საკვები ნივთიერებების ბალანსის კონტროლი დაეხმარა მას 39 წლის ასაკში თავი 23 წლისად იგრძნოს.
მისი თქმით, ახალგაზრდობის შენარჩუნების საკითხის აქტიური შესწავლა 16 წლის ასაკიდან დაიწყო, მას შემდეგ, რაც თავის ტვინის სიმსივნე ჰქონდა და გარკვეული პერიოდი საწოლს იყო მიჯაჭვული.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
„დროის 90 პროცენტში ჯანსაღ საკვებს ვიღებ და 10 პროცენტში თავს უფლებას ვაძლევ ცოტა დავისვენო. ვფიქრობ, ეს არის იდეალური მიდგომა იმ ბიოლოგიური ასაკის მისაღებად, რაც მე მაქვს“, - გაამხილა მირაბილემ თავისი საიდუმლო. ამერიკელმა აღიარა, რომ შაბათ-კვირას შეუძლია მიირთვას სუში, შოკოლადის ღვეზელი, პიცა ან ტირამისუ, მაგრამ არასდროს მიირთმევს ორ „მავნე“ კვებას ერთ დღეში. გარდა ამისა, დილით ის ოთხ ფინჯან ყავას სვამს და ხანდახან თავს ალკოჰოლის მიღების უფლებასაც აძლევს.
მან ასევე განაცხადა, რომ კვირაში ექვსჯერ დადის სპორტდარბაზში და დღეში 45-60 წუთის განმავლობაში. იგი გვირჩევს ყოველდღე 22:00-დან 23:00 საათამდე დაძინებას და რვა საათის განმავლობაში ძილს. მისი თქმით, მნიშვნელოვანია, რომ საძინებელი იყოს ბნელი და მშვიდი.
გარდა ამისა, მირაბილი არის კვების დანამატების მოყვარული და დააარსა ბრენდი ვიტამინის კომპლექსების წარმოებისთვის. ის დარწმუნებულია, რომ თითქმის ყველა თანამედროვე ადამიანს აქვს სხეულის სრული ფუნქციონირებისთვის აუცილებელი ერთი ნივთიერების დეფიციტი მაინც. ჯანსაღი ცხოვრების წესის მოყვარული გვირჩევს გავიაროთ სამედიცინო გამოკვლევა და მიკროელემენტების ან ვიტამინების ნაკლებობა ტაბლეტებით შევავსოთ.
