ცუდი ძილი აორმაგებს ასთმის რისკს
კვლევამ გააანალიზა 38-დან 73 წლამდე ასაკის 455000 მონაწილის მონაცემები 2006-2010 წლებში. ყველა სუბიექტს სთხოვეს ეპასუხათ ძილის რეჟიმის შესახებ დასმულ კითხვებზე.
პასუხები დაყოფილი იყო ადრეული ან გვიანი ქრონოტიპის მიხედვით ("ჭოტი" ან "ღამის ბუ"), ძილის ხანგრძლივობა, უძილობის არსებობა, ხვრინვა და გადაჭარბებული დღის ძილიანობა.
ჯანსაღი ძილის რეჟიმი განისაზღვრა, როგორც ადრეული ქრონოტიპი, სადაც ხანგრძლივობა იყო შვიდიდან ცხრა საათამდე და არ აღინიშნა უძილობა, ხვრინვა ან დღის ძილიანობა. მხედველობაში იქნა მიღებული ასთმის გენეტიკური მიდრეკილებაც.
ჯანსაღი ძილის ფაქტორებს აკმაყოფილებდა 73000 ადამიანი, შუალედური კრიტერიუმები 284000 და ცუდი ძილის ფაქტორები 97000. სამი სუბიექტიდან დაახლოებით ერთს ჰქონდა ასთმის მაღალი გენეტიკური რისკი (150000 ადამიანი), ხოლო მეორე მესამედს (151000) ჰქონდა საშუალო რისკი.
დაკვირვების პერიოდში ასთმის დიაგნოზი 17 836 ადამიანს დაუსვეს. მათ ჰქონდათ უფრო დაბალი განათლების დონე და ძილის არაჯანსაღი რეჟიმი, ასევე სიმსუქნე და სხვა ფაქტორები, მათ შორის გენეტიკა.
ამავდროულად, გაზრდილი გენეტიკური მიდრეკილების მქონე ადამიანებს ასთმის დიაგნოზი 47 პროცენტით მეტი ჰქონდათ, ხოლო ცუდი ძილის რეჟიმის მქონე ადამიანებს 55 პროცენტით მეტი.
მაღალი გენეტიკური რისკის მქონე მონაწილეებს, რომლებიც ასევე აცხადებდნენ, რომ ძილის ცუდი რეჟიმი ჰქონდათ, 122 პროცენტით უფრო მეტად ჰქონდათ ასთმა, ვიდრე ჯანსაღი ძილის რეჟიმის მქონე და დაბალი გენეტიკური რისკის მქონე მონაწილეებს.