როგორ მოვიფიქროთ გენიალური იდეა
და საჭიროა არასტანდარტული სვლა, შემოქმედებითი შთაგონება, ვიწყებთ სრულიად სხვა საქმინაობას, მაგალითად იატაკის წმენდას, შხაპის მიღებას, ძაღლის გასეირნებას და გადაწყვეტილებაც თავისთავად მოდის თავში.
აქამდე ცნობილი იყო, რომ კრეატიულობის აფეთქება მაშინ ხდება, როდესაც ტვინი გადართულია, გაფანტული და მოდუნებულია, ჩვენი აზრები დაცურავენ, თავად დავფრინავთ ღრუბლებში. თუმცა კვლევები სხვა რამეს აჩვენებენ.
ამერიკელმა მეცნიერებმა წამოაყენეს „შხაპის ეფექტის“ არსებობის ჰიპოთეზა. არასტანდარტული იდეების მოსაფიქრებლად საჭიროა არა მხოლოდ ღრუბლებში ფრენა. აუცლიებელია ბალანსის დაცვა გაფანტულობას შორის, როდესაც გონებაში ირევა შემთხვევითი ასოციაციები და ერთგვარი მიზანმიმართული ქმედება.
ასეთი ქმედება ერთის მხრივ, არ მოითხოვს ინტელექტუალურ დაძაბვას და შეიძლება განხორციელდეს ავტომატურად (ამ ჩარჩოში ზუსტად ჯდება ფეხით სიარული, შხაპის მიღება ან დალაგება), ხოლო მეორეს მხრივ არ აძლევს ტვინს მოდუნების და მოწყნის საშუალებას, რადგანაც ავტომატურ მოქმედებებზე პასუხისმგებელ ნეირონულ ქსელს მუშაობას აიძულებს.
მკვლევარებმა ჩაატარეს ექსპერიმენტების სერია, რომელშიც მონაწილეებს აჩვენეს ორი ტიპის ვიდეო კრეატიული დავალებების შესრულებათა შორის - მოსაწყენი ვიდეოები და „ტონუსის შემანარჩუნებელი“, რომელმაც შეიძლება გამოიწვიოს სხვადასხვაგვარი ინტენსიური ემოციები და გრძნობები .
შედეგად, აღმოჩნდა, რომ მეორე ტიპის ვიდეოების ყურების შემდეგ, მონაწილეებს გაცილებით მეტი კრეატიული იდეები გაუჩნდათ, ვიდრე მოსაწყენი ვიდეოების შემდეგ. სამომავლოდ მეცნიერები ამ მიმართულებით კვლევის გაგრძელებას გეგმავენ, რათა საბოლოოდ დაადასტურონ თავიანთი ჰიპოთეზის სისწორე რეალურ ცხოვრებასთან მიახლოებულ გარემოებებში.