ბიოლოგებმა შექმნეს აივ-ისა და ჰერპესის საპროფილაქტიკო გელი, რომლის ეფექტურობა 80%-ია
ლაბორატორიულ პირობებში გელმა 70-80%-იანი ეფექტურობა აჩვენა. სტატია გამოქვეყნდა ჟურნალში Advanced Science.
მეცნიერებმა, ჰიდროგელის შესაქმნელად გამოიყენეს ადამიანის ლორწოს ძირითადი კომპონენტი - მუცინი. გელის წასმა შესაძლებელია კანზე. ადამიანის ორგანიზმში მუცინის მოლეკულები ბოჭავენ ვირუსულ ნაწილაკებს, რომლებიც შემდეგ ლორწოსთან ერთად გამოიყოფა.
ეფექტურობა შეფასდა ლაბორატორიულად რამდენიმე ტიპის უჯრედზე. აივ-ისგან დაცვამ შეადგინა 70%, ხოლო ჰერპესის- 80%. ადამიანის მიერ გელის გამოყენებისას შესაძლებელია ეს პროცენტი უფრო დაბალი იყოს, ამიტომ აუცილებელია დამატებითი კვლევები.
მუცინი ასევე აქვეითებს იმუნური უჯრედების აქტივაციას. ეს მნიშვნელოვანია, რადგანაც გააქტიურებული იმუნური უჯრედები ასტიმულირებენ აივ-ის გამრავლებას.
ავტორები იმედოვნებენ, რომ მათ მიერ შემუშავებული საშულების გამოყენება შესაძლებელი იქნება დამატებითი დაცვის სახით. ჰიდროგელს არ გააჩნია გვერდითი ეფექტები და ვირუსები მის მიმართ რეზისტენტობას ვერ გამოიმუშავებენ.
ჯანდაცვის მსოფლიო ორგანიზაციის მონაცემებით, მსოფლიოში ყოველდღიურად მილიონზე მეტი ადამიანი ავადდება სქესობრივი გზით გადამდები ინფექციებით.