ავსტრალიაში ვირუსების ხუთი ოჯახი დაასახელეს, რომლებმაც შესაძლებელია მომავალში გამოიწვიოს პანდემია
რომლებიც მომავალში შესაძლებელია კაცობრიობისათვის საშიში აღმოჩნდეს და გამოიწვიოს ახალი პანდემია. სიაში შევიდა კორონავირუსები, ფლავივირუსები, ტოგავირუსები, ორტომიკსოვირუსები და პარამიკსოვირუსები. კორონავირუსების ოჯახს მიეკუთვნება SARS-CoV-2, რომელმაც გამოიწვია COVID-19 პანდემია.
ფლავივირუსებისა და ტოგავირუსების გადამტანია კოღოები და ტკიპები, რომლებიც იწვევენ მათ შორის დენგეს ცხელებას, ჩიკუნგუნიას ცხელებას და იაპონურ ენცეფალიტს. ორტომიქსოვირუსების ოჯახში გაერთიანებულია გრიპის ყველა შტამი, რომელსაც ჩვენ ყოველწლიურად ვხვდებით. სიაში ასევეა მაღალი ლეტალობის მაჩვენებლის გამომწვევი პარამიკსოვირუსების უჯახის ვირუსები, მათ შორის წითელას, ნიპახის და ჰენდრას ვირუსები.
მეცნიერები აღნიშნავენ, რომ თანამედროვე მეცნიერებისა და ტექნოლოგიების მიღწევებმა უნდა გააუმჯობესოს ეპიდემიებთან ბრძოლის მოკლევადიანი სტრატეგიები, როგორიცაა კარანტინი და საზღვრების ჩაკეტვა და შეამციროს მათი გავრცელებით გამოწვეული სოციალური და ეკონომიკური შედეგები.
დიდი მნიშვნელობა აქვს ადრეული პროფილაქტიკის სისტემას, ინფექციური დაავადებების აფეთქებების გამოვლენას და მკურნალობისა და დიაგნოსტიკის ახალი მეთოდების დანერგვას. ასევე გამოსაყოფია ამ თვალსაზრისით მოსახელობის ვაქცინებით უზრუნველყოფა.
ასევე მნიშვნელოვანია ვირუსული ინფექციების საწინააღმდეგო ფართო სპექტრის ანტივირუსული საშუალებების და უნივერსალური ვაქცინების შექმნა.