შვედმა მედიკოსებმა ადამიანის მხედველობის აღდგენა ღორის კანის საშუალებით შეძლეს
რქოვანა თვალის გარეთა, გამჭვირვალე გარსია. რქოვანას ანალოგიური მოლეკულებია ადამიანის და ცხოველის კანში. ამიტომ ლინჩოპინგის უნივერსიტეტის მეცნიერებმა გადაწყვიტეს შეექმნათ რქოვანას ქსოვილის ხელოვნური შემცვლელი ღორის კანიდან. ამისათვის მათ გამოიყენეს ტყავის ნაჭრები, ინდუსტრიის იაფი, ნარჩენი პროდუქტი.
მეცნიერებმა მოახდინეს კოლაგენის თავისუფალი მოლეკულების სტაბილიზაცია, რის შედეგადაც მიიღეს მყარი და გამჭვირვალე მასალა, რომელმაც შეიძლება გაუძლოს თვალში იმპლანტაციას. დონორის რქოვანასაგან განსხვავებით, რომლის შენახვის ვადა ორი კვირაა, ბიოინჟინერული რქოვანას შენხვა შეიძლება ორი წლის განმავლობაში.
იმპლანტისა და ახალი მეთოდის ტესტირებაში მონაწილეობა მიიღო ოცმა პაციენტმა ირანიდან და ინდოეთიდან. რვა კვირის განმავლობაში იმუნოსუპრესიული თვალის წვეთებით მკურნალობის შედეგად თავიდან იქნა აცილებული იმპლანტის მოშორება.
ოპერაციიდან ორი წლის შემდეგ არც ერთ პაციენტში არ გამოვლენილა გართულებები.