როგორი შეიძლება იყოს მამაკაცის მანიკიური
ამიტომ მამაკაცის მანიკიურის დამკვიდრება ბევრს რაღაც ახალი და განსაკუთრებული ჰგონია. თუმცა, როგორც ცნობილია, ყველაფერი ახალი კარგად დავიწყებული ძველია და მამაკაცის მანიკიური ამ მხრივ გამონაკლისი არ არის.
მამაკაცის მანიკიურის ისტორია
ყველაზე ძველი აქამდე აღმოჩენილ მანიკიურის ნაკრებებს შორის 5 ათას წელს ითვლის და ყველანაირი საფუძველი არსებობს იმის სათქმელად, რომ ის ეკუთვნოდა ქურუმს, ანუ მამაკაცს. ერთ-ერთი ძველეგვიპტური სამარხი, ჩვ. წ-მდე 3000 წლით დათარიღებული, ეკუთვნოდა ორ ადამიანს, რომლებიც იწოდებოდნენ „ფარაონის ფრჩხილების მცველებად და ოსტატებად“. აქედან შეიძლება დაასკვნათ, რომ ფარაონი ფრჩხილებს იღებავდა თუ არა, უცნობია, მაგრამ რომ უვლიდა, ეს უდავოა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ძველ ჩინეთში გრძელ ფრჩხილებს დიდგვაროვნები, ქალები და მამაკაცები ატარებდნენ. რაც უფრო დიდგვაროვანი იყო ადამიანი, მით გრძელი ფრჩხილები ჰქონდა მას. ელიტის წარმომადგენლების ფრჩხილის სიგრძე ზოგჯერ 15 სმ-მდე აღწევდა. ისინი ამით ახდენდნენ დემონსტრირებას, რომ ხელით მძიმე სამუშაოს შესრულება არ უწევდათ.
ხელებს, ჩვეულებრივ, უვლიდნენ ძველი ბაბილონის, საბერძნეთისა და რომის მამაკაცებიც.
მე-19 საუკუნეში გამოჩნდნენ დენდები - მამაკაცები, რომლებიც მთელ დროს უძღვნიდნენ იმას, რომ გასაოცრად გამოიყურებოდნენ. მამაკაცის მანიკიური ამ დროისთვის გულდასმით მოფიქრებული გარეგნობის აუცილებელი ნაწილი იყო. ფრჩხილების მოვლა მაღალი საზოგადოების მამაკაცებისთვის არ ითვლებოდა განსაკუთრებულ მოვლენად მე-20 საუკუნის 20-იან წლებში.
როგორ უნდა გაკეთდეს მამაკაცის მანიკიური
მამაკაცის ფრჩხილებს ისეთივე აგებულება აქვს, როგორიც ქალისას, ამიტომ მოვლის თვალსაზრისით განსხვავება არ არის.
არსებობს მანიკიურის ორი ძირითადი სახე: აპარატული და კლასიკური. მათ ძირითადად განასხვავებს ნუნის მოვლა.
- აპარატული - სპეციალური, მოსახსნელთავიანი აპარატით სრულდება, რომლითაც ამუშავებენ მშრალ ნუნასა და ფრჩხილის ფირფიტას.
- კლასიკური - ყველასათვის ცნობილი ვარიანტია, როდესაც ნუნას აშორებენ დალბობის შემდეგ სპეციალური მაკრატლით. ფრჩხილის ფირფიტას აპრიალებენ ხელით, ქლიბის საშუალებით.
არსებობს მოსაზრება, რომ აპარატული მანიკიური მამაკაცებისთვის უფრო მისაღებია, თუმცა, რეალურად, ნებისმიერი ვარიანტის გამოყენებაა შესაძლებელი. თითოეულს აქვს პლუსები და მინუსები, ამიტომ საორიენტაციოდ უნდა ავიღოთ არა სქესი, არამედ ინდივიდუალური უპირატესობები.
ფრჩხილის ლაქი
ტრადიციულად, მამაკაცები ლაქს ან არ ხმარობენ, ან უფერო, გამჭვირვალე ლაქს ირჩევენ. ფრჩხილების შეღებვის პირველი მცდელობები ძალიან თავშეკავებული გახლდათ და ხშირად ეს იყო ჩვეულებრივი შავი ლაქი ერთ-ერთ თითზე. თანამედროვე მოდა უშვებს სხვადასხვა ტენდენციას: ულამაზოს, შოკისმომგვრელს, მოსაწყენს. ამიტომ თანამედროვე ტრენდია - მამაკაცის მანიკიური ფერადი ლაქით. ამას საფუძველი ჯერ კიდევ 2000-იან წლებში ჩაეყარა შოუ-ბიზნესის წარმომადგენლების მიერ, რომლებიც ფრჩხილებს იფარავდნენ შავი ან მუქი ნაცრისფერი ლაქით. ეს ფერები დღემდე აქტუალური რჩება.
