ლალი ჩხიკვაძე

ეს არის მამაკაცის სხეულის ყველაზე მგრძნობიარე ადგილი. სხეულის ამ ნაწილის ზოგიერთი დაზიანება შეიძლება ფატალურიც კი აღმოჩნდეს.

ტკივილი ადამიანის სხეულში განგაშის როლს ასრულებს, რომელიც საფრთხის შემთხვევაში ირთვება. ჩნდება კითხვა: რატომ მუშაობს ეს გამაფრთხილებელი სისტემა სხეულის სხვადასხვა უბანზე განსხვავებულად? ფაქტია, რომ სასქესო არე პასუხისმგებელია ადამიანის რეპროდუქციულ ფუნქციებზე. საზარდულში კონცენტრირებულია ნერვული დაბოლოებების უფრო დიდი რაოდენობა, რომლებიც საფრთხის სიგნალს იძლევა. გარდა ამისა, ტკივილი მატულობს იმის გამო, რომ საზარდულის მიდამოში ბევრ დაზიანებას ახლავს ძლიერი შეშუპება. ეს აიხსნება პენისის სპეციალური ანატომიით. ამ ორგანოს ძირითადი ნაწილი შედგება კავერნოზული სხეულებისგან. აგებულებით ისინი ღრუბელს წააგავს, რომლის ზომაც იმატებს და სისხლით ივსება ერექციის დროს. არსებითად, კავერნოზული სხეულები უზარმაზარი ვენებია, რომლებიც გამუდმებით ატარებენ ალისფერ სითხეს. ამიტომ სასქესო ორგანოების დაზიანებებს თან ახლავს ძლიერი სისხლდენა. ორგანიზმი ცდილობს მის შეჩერებას თავისი რესურსებით: იწვევს შეშუპებას, რომელიც აწვება სისხლძარღვებს, მაგრამ ამავდროულად აძლიერებს ტკივილს.

დაჟეჟილობა

პენისის ყველაზე გავრცელებული დაზიანება დაჟეჟილობაა. სერიოზული ზემოქმედება ყველაზე ხშირად ხდება სპორტული აქტივობების დროს – ველოსიპედზე ჯდომის, ჭიდაობის, ფეხბურთის თამაშის დროს.

დახურული დაჟეჟილობა ყველაზე უვნებელი დაზიანებაა. დარტყმის სიძლიერის მიხედვით, მას თან ახლავს მეტ-ნაკლებად მტკივნეული შეგრძნებები. უმნიშვნელო დაჟეჟილობისას, 10-15 წუთში ტკივილი იკლებს და სანერვიულო არაფერია. ყველა ბიჭმა იცის, რომ მას სჭირდება ხტომა ან ჩაჯდომა. უცნაურია, მაგრამ ეს ტექნიკა მუშაობს. ფაქტია, რომ ტერფებს და განსაკუთრებით ქუსლებს, რეფლექსური კავშირი აქვს შორისისა და მენჯის მიდამოსთან და მასაჟისას აღინიშნება ტკივილგამაყუჩებელი ეფექტი. ოღონდ ჩაჯდომა მხოლოდ მცირე დაჟეჟილობის შემთხვევაში დაგეხმარებათ.

თუ დარტყმა ძლიერი იყო და გამოიწვია ტუნიცა ალბუგინეა (ის ინარჩუნებს კავერნოზული სხეულის ფორმას და დაფარულია ლორწოვანი გარსით და კანით) დაზიანება, მაშინ ტკივილი უფრო ძლიერი იქნება. სისხლი კანქვეშ დაგროვდება და განვითარდება ზომიერი შეშუპება. თუ მამაკაცს ძლიერი და მიზანმიმართული დარტყმა მიაყენეს, შეიძლება მოხდეს კავერნოზული სხეულის მოტეხილობა. შინაგანი სისხლდენა იქნება უხვი და პენისი უზარმაზარი გახდება. 15 წუთში კანქვეშ ნახევარ ლიტრამდე სისხლი გროვდება და კანი ხდება მუქი ლურჯი ან შავიც კი.

ჭრილობა

სამწუხაროდ, პენისის დაზიანებები არ შემოიფარგლება მხოლოდ დაჟეჟილობით. არის ჭრილობები, რომლებიც შეიძლება გამოიწვიოს ცხოველის ნაკბენმა, იარაღით დაზიანებამ და ა.შ. ნებისმიერ შემთხვევაში, როგორიც უნდა იყოს უბედურების მიზეზი, სიმპტომები იგივეა – პენისზე ან სკროტუმზე უფრო დიდი ან პატარა ჭრილობის ზედაპირის არსებობა, ძლიერი ტკივილი და გარეგანი სისხლდენა. მდგომარეობის სიმძიმე დამოკიდებულია ტრავმის სიდიდესა და ლოკალიზაციაზე და შეიძლება საჭირო გახდეს პენისის ამპუტაციაც კი.

ამის თავიდან ასაცილებლად, უნდა იცოდეთ პირველადი დახმარების გაწევა.

დამწვრობა

პენისის დამწვრობა ისეთი გავრცელებული დაზიანება არაა, როგორც დაჟეჟილობა ან ჭრილობები, მაგრამ მაინც პერიოდულად ხდება. ვერავინ მოგცემთ გარანტიას, რომ ჭიქიდან ადუღებული წყალი პირდაპირ თქვენს შარვალზე არასოდეს დაიღვრება. თუ ეს მოხდება, პირველი, რაც უნდა გააკეთოთ, სასწრაფოს გამოძახებაა. სასქესო ორგანოების ნებისმიერი დამწვრობა, თუნდაც ოდნავი, ჩვენებაა ჰოსპიტალიზაციისთვის. ექიმის მოსვლამდე მისაღები ზომები უშუალოდ არის დამოკიდებული დაზიანების სიმძიმეზე.

პირველი ხარისხის (სიწითლე) ან მეორე ხარისხის დამწვრობისას (ბუშტუკები) ორგანოზე უნდა მივუშვათ გამდინარე გრილი წყალი. მესამე ხარისხის დამწვრობის დროს ყველაფერი უფრო რთულია.

თუ ტანსაცმელი სხეულზეა მიწებებული, არასოდეს სცადოთ მისი მოშორება. ეს პროცედურა საჭიროებს ანესთეზიას და სტერილურ პირობებს.

დამწვრობის დროს აკრძალულია მალამოებისა და ზეთების გამოყენებაც. ეს პროდუქტები ქმნის გარსს, რომელიც არ აძლევს კანს გაგრილების საშუალებას. პოპულარული დექსპანთენოლიანი ქაფები კი გამოდგება მხოლოდ მზის მსუბუქი დამწვრობისა და პირველი ხარისხის დამწვრობის სამკურნალოდ. მიუხედავად იმისა, რომ ასეთი პრეპარატები შეიცავს ანთების საწინააღმდეგო და ტკივილგამაყუჩებელ კომპონენტებს, ისინი არ აძლევენ დაზიანებულ ზედაპირს გაციების საშუალებას.

მესამე ხარისხის მძიმე, ღრმა ტრავმის შემთხვევაში შეიძლება განვითარდეს განუკურნებელი უნაყოფობა. მაგრამ, როგორც წესი, დამწვრობის ყველაზე ცუდი შედეგი ნაწიბურებია. მომავალში მან შეიძლება გამოიწვიოს ერექციული დისფუნქცია. საფრთხის შემცველი სპორტის სახეობებია:

1. ველოსპორტი;

2. კარატე;

3. კიკბოქსინგი;

4. ფეხბურთი;

5. რაგბი.