სილამაზე მამაკაცურად კანის მოვლის მარტივი ნიუანსები
მიუხედავად ამისა, ბევრს ჯერ კიდევ არ აქვს მკაფიო წარმოდგენა მამაკაცის გარეგნობაზე ზრუნვის სისტემაზე.
თანამედროვე მამაკაცები ორ ჯგუფად იყოფიან:
- პირველი ჯგუფის წარმომადგენლები ყოველდღიურად დიდი სიამოვნებით იყენებენ კანის მოვლის მრავალფეროვან საშუალებებს და არ ცდილობენ ამის დამალვას.
- მეორე ჯგუფს მიკუთვნებულები კი, ერიდებიან მაღაზიაში კოსმეტიკური საშუალებების შეძენას.
რატომ უჩნდებათ მამაკაცებს ნაოჭები ქალებზე უფრო გვიან?
მამაკაცები ქალებისგან არა მხოლოდ აზროვნებით, კანის აგებულებითაც გამოირჩევიან. მამაკაცის კანი 20%-ით უფრო უხეშია, ვიდრე ქალისა, რადგან ის ბევრად მეტ კოლაგენსა და ელასტინის ბოჭკოს შეიცავს. ეს არის მთავარი ახსნა იმისა, რომ მამაკაცებს ნაოჭები უფრო გვიან უჩნდებათ, ულტრაიისფერი სხივები კი მნიშვნელოვან ზიანს არ აყენებს მათ კანს.
რატომ არის მამაკაცის კანი ხშირად მიდრეკილი ცხიმიანობისკენ?
ჯერ ერთი, მას აქვს ბევრი ცხიმოვანი ჯირკვალი. მეორეც, ჰორმონ ტესტოსტერონის გამოყოფის გამო, ცხიმი აქტიურად იწარმოება. დაბოლოს, დიდი ფორები და გაძლიერებული სისხლის მიმოქცევა თავის საქმეს აკეთებს. ბუნებრივია, ასაკთან ერთად ტესტოსტერონის რაოდენობა იკლებს და კანი უფრო მშრალი ხდება. ამიტომ მას საფუძვლიანი მოვლა სჭირდება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მამაკაცის ორგანიზმი აქტიურად გამოიმუშავებს პროსტაგლანდინებსაც (ჰორმონის მსგავსი ნივთიერებები), რომლებიც პროვოცირებს კანზე სხვადასხვა სახის სიწითლესა და ანთებას. და საერთოდ, მამაკაცის კანი ბევრად უფრო მგრძნობიარეა, ვიდრე ქალის. მგრძნობელობის ერთ-ერთ მიზეზად შეიძლება ჩაითვალოს რეგულარული გაპარსვა, რომელიც ანადგურებს კანის ბუნებრივ დაცვას – ლიპიდურ ფენას და, შესაბამისად, ის ასე აგრესიულად აღიქვამს გარემოს „შემოტევებს“.
მოვლის უმარტივესი ალგორითმი გასუფთავება
უბრალოდ წყლით დაბანა და კანის გაწმენდა სრულად განსხვავებული პროცედურებია და ერთმანეთს ვერ ანაცვლებს. მამაკაცის კანი მიდრეკილია ცხიმიანობისკენ. ცხიმის დაგროვება და გაძლიერებული ოფლიანობა იწვევს ფორების ჩაკეტვას, შესაბამისად, კანზე ანთებას და შავ წერტილებს.
ამისათვის საუკეთესო გამოსავალი იქნება დილას და საღამოს თბილი წყლით დაბანა სპეციალური გამწმენდი ქაფებისა და დასაბანი გელების გამოყენებით. ისინი შესანიშნავად აშორებენ კანს ცხიმსა და ჭუჭყს. სახის დაბანის დასრულების შემდეგ, გაიწმინდეთ ის ლოსიონით ან ტონერით დასველებული ბამბის დისკით.
პილინგი
გამწმენდ გელებსა და ქაფებს მხოლოდ კანის ზედა ფენის გაწმენდა შეუძლია, ამიტომ, შესაძლოა, უფრო ღრმა წმენდა დაგჭირდეთ.
შეიძინეთ სახის სკრაბი და გამოიყენეთ კვირაში ერთხელ. აბრაზიული მყარი ნაწილაკები ადვილად მოაცილებენ კანის გარქოვანებულ ფენას და დაარბილებენ მას. სკრაბი გააადვილებს პარსვის პროცედურასაც. გარდა ამისა, პილინგი კანს შესაძლებლობას მისცემს უკეთ აითვისოს კოსმეტიკური საშუალებების სასარგებლო კომპონენტები.
დატენიანება
წყალი სწორედ ის ნივთიერებაა, რომელიც მნიშვნელოვნად ახანგრძლივებს კანის ახალგაზრდობას. თუ არ გსურთ ნაადრევად აღმოაჩინოთ სახეზე ნაოჭები, უნდა დაუმეგობრდეთ სამკურნალო ტენიანობას. ამ სიტუაციაში ერთ-ერთი პრობლემა გაპარსვაა: ამის შემდეგ კანის ფორები იხსნება, რაც იწვევს ტენის დაკარგვას.
გამოიყენეთ დამატენიანებელი კრემი. განსაკუთრებით მნიშვნელოვანია მისი წასმა თვალების ირგვლივ კანზე. კაცები უფრო ნელა ბერდებიან, ვიდრე ქალები, მაგრამ ყველაფერი ხდება არა თანდათანობით, არამედ დაჩქარებულად.
ქალის თუ მამაკაცის
არ არსებობს ქალისა და მამაკაცის კოსმეტიკას შორის მნიშვნელოვანი სხვაობა, შეფუთვის დიზაინისა და არომატული სუნამოების გარდა. ეს წარმოების მარკეტინგის ნათელი მაგალითია. ამ პროდუქტების შემადგენლობა თითქმის იდენტურია. დამატენიანებელი და მკვებავი თვისებები თანაბრად ვლინდება როგორც ქალის, ისე მამაკაცის კანზე.
ასე რომ, თავისუფლად აირჩიეთ თქვენთვის სასურველი ნებისმიერი კრემი ან ტონიკი, მხოლოდ მისი კომპონენტებისა და გამოყენების ჩვენებების (მშრალი, ცხიმიანი, კომბინირებული ან ნორმალური კანისთვის) გათვალისწინებით.
ორგანული იდეალური გადაწყვეტილებაა
ერთადერთი კოსმეტიკა, რომელიც ნამდვილად მიანიჭებს კანს განსაკუთრებულ ჯანმრთელობასა და სილამაზეს, არის ორგანული კოსმეტიკა. მას განსაკუთრებულ რეკლამას არ უწევენ, მაგრამ ორგანული კოსმეტიკის სარგებლობის შესახებ ბევრმა იცის. ორგანული ნივთიერებები კანზე უჯრედულ დონეზე მოქმედებს, ააქტიურებს უჯრედებში საჭირო ბიოქიმიურ პროცესებს და, რაც მთავარია, მხოლოდ ჯანმრთელობისთვის უვნებელი კომპონენტებისგან შედგება.
კიდევ ერთი თავისებურება უმაღლესი სტანდარტების სერტიფიცირებაა. სხვა სიტყვებით რომ ვთქვათ, ორგანული კოსმეტიკა არის უმაღლესი ხარისხის და უვნებელი პროდუქტი, რომელიც კანს მხოლოდ გარანტირებულ სარგებელს მოუტანს.
