კონტაქტური დერმატიტის მაპროვოცირებელი ფაქტორები
იგი კანის რეაქციაა, რომელიც წარმოიქმნება იმ ნივთიერებებთან შეხებისას, რომელთა მიმართ სხეული მგრძნობიარეა. ეგზემის ეროვნული ასოციაციის (NEA) თანახმად, კონტაქტური დერმატიტი განსხვავდება ატოპიური დერმატიტისგან იმით, რომ ის ვითარდება კანზე რაღაცის შეხების შედეგად.
დერმატოლოგიის ამერიკული აკადემიის (AAD) მიხედვით, კონტაქტური დერმატიტის ორი ტიპი არსებობს: ალერგიული დერმატიტი, რომელიც კანის ალერგიული რეაქციაა და დერმატიტი, რომელიც ვითარდება დროთა განმავლობაში გამაღიზიანებელ ნივთიერებასთან შეხვედრის შემდეგ. ნებისმიერ შემთხვევაში, შედეგი არის მშრალი, წითელი კანი, ქავილი, რომელსაც შეიძლება თან ახლდეს წვა ან ჩხვლეტა.
კონტაქტური დერმატიტის განვითარებაში გარემო თამაშობს გარკვეულ როლს. იქნება ეს ზედმეტად ცხელი ან ცივი ჰაერის ტემპერტურა, ზედმეტად ნოტიო თუ მშრალი ჰავა.
მაპროვოცირებელ ფაქტორებს შორისაა:
საცურაო აუზები
ქლორი შეიძლება იყოს კონტაქტური დერმატიტის გამომწვევი მიზეზი ზოგიერთისთვის. იგი იწვევს კანის ქავილს,სიწითლეს ან ჭინჭრის ციებას. ქლორის ეფექტის შესამცირებლად ყურადღება მიაქციეთ აუზში ბანაობის შემდგომ რუტინას. მნიშვნელოვანია, რომ ჩამოიბანოთ ტანი ცურვის შემდეგ და წაისვათ დამცავი დამატენიანებელი, რომელიც იმოქმედებს როგორც ბარიერი კანისთვის.
შამპუნი
იზოთიაზოლინონები (რომლებიც ხელს უშლიან ბაქტერიების გამრავლებას ბოთლში) და კოკამიდოპროპილ ბეტაინი (გამასქელებელი ფაქტორი) ჩვეულებრივ გვხვდება შამპუნებში და შეიძლება უარყოფითი გავლენა იქონიოს კანზე.
სარეცხი საშუალებები
მიუხედავად იმისა, რომ იშვიათია, შესაძლებელია სარეცხ საშუალებებში გამოყენებულმა ინგრედიენტებმა გამოიწვიოს გამონაყარი. პირადი ჰიგიენისა და საყოფაცხოვრებო პროდუქტებმა (როგორიცაა ჭურჭლის სარეცხი საპონი) ასევე შეიძლება გამოიწვიოს პრობლემები.
მტვერი
მტვერმა, შეიძლება გამოიწვიოს კონტაქტური დერმატიტი.
ლატექსის ხელთათმანები.
მანიკური
კვლევის თანახმად, აკრილის გელი დაკავშირებულია კონტაქტურ დერმატიტთან.