მარიამ ფოლადაშვილი

მათ აღმოაჩინეს, რომ მზის სხივების ხანგრძლივი ზეოქმედება იწვევს კანის ბაქტერიების მრავალფეროვნების ცვლილებებს, რამაც შეიძლება გამოიწვიოს ისეთი პრობლემები, როგორიცაა ეგზემა. საჭიროა დამატებითი კვლევები იმის გასაგებად, თუ რას ნიშნავს ეს კანის გრძელვადიანი ჯანმრთელობისთვის.

ადამიანის კანი მასპინძლობს უამრავ ბაქტერიას, სოკოსა და ვირუსს, რომელთა ნაწილიც მნიშვნელოვან როლს ასრულებს კანის ჰომეოსტაზის შენარჩუნებაში.

კარგად არის დადასტურებული, რომ მაღალი დოზებით ულტრაიისფერი გამოსხივება აზიანებს კანის უჯრედების დნმ-ს, იწვევს ანთებასა და ფოტოდაბერებას. თუმცა, ინფორმაცია იმის შესახებ თუ როგორ მოქმედებს ულტრაიისფერი გამოსხივება კანის ბაქტერიებზე შეზღუდულია. ზოგიერთი კვლევა ვარაუდობს, რომ ულტრაიისფერმა გამოსხივებამ შეიძლება დადებითად იმოქმედოს კანზე ოპორტუნისტული ბაქტერიების შემცირებით, თუმცა სხვა კვლევების მიხედვით, ულტრაიისფერი გამოსხივების შედეგად გამოწვეულმა მიკრობიოტას დისბალანსმა შეიძლება ქრონიკული ანთებისა და სხვა ისეთი პრობლემების პროვოცირება მოახდინოს როგორიცაა ეგზემა და ფსორიაზი.

როგორ მოქმედებს ულტრაიისფერი გამოსხივება კანზე

მკვლევარებმა დაადგინეს, რომ მზის ზემოქმედება გავლენას ახდენს კანის მიკრობიოტას მრავალფეროვნებასა და შემადგენლობაზე, მაგრამ ეს იცვლება საპირისპიროდ მზის ინტენსიური გამოსხივების შეწყვეტდან 28 დღის შემდეგ. კვლევა გამოქვეყნდა ჟურნალში Frontiers in Aging.

ეს კვლევა ვარაუდობს, რომ მზიანი არდადეგების დროს მზის გაზრდილი ზემოქმედება ან სულ მცირე გარუჯვა დაკავშირებულია კანის მიკრობიომის მოკლევადიან ცვლილებებთან. დამატებითი კვლევები უნდა ჩატარდეს, რათა დადგინდეს, თუ რა იყო ამ ცვლილების გამომწვევი მიზეზი და რა არის ჯანმრთელობის საბოლოო შედეგები.

ეგზემა და კანის მიკრობიომი

კვლევა მიუთითებს, რომ პროტეობაქტერიების დონის დაქვეითება დაკავშირებულია კანის დაავადებებთან, როგორიცაა ეგზემა.

მეცნიერები აღნიშნავენ, რომ კანის მიკრობიომი შედგება მიკრობული სახეობებისაგან, ისევე როგორც ნაწლავები და როგორც ანტიბიოტიკების გამოყენებამ ან დიეტურმა ცვლილებება, შეიძლება გავლენა იქონიოს ნაწლავის მიკრობიომზე, სტრესმა, როგორიცაა ულტრაიისფერი გამოსხივება ასევე შეიძლება დაარღვიოს კანის მიკრობიომი.

კანის იმუნური სისტემა რეაგირებს მის გარემოზე. როდესაც ის იცვლება, შეიძლება მოხდეს ანთებითი რეაქცია. რაც დაკავშირებილია კანის მიკრობიოტაში ცვლილებებთან. ეს იწვევს ადგილობრივი იმუნური სისტემის პროვოცირებას. რის შედეგადაც ვითარდება ეგზემა და დერმატიტი. კონკრეტულად კი პროტეობაქტერიების დონის დაქვეითება სხვა ბაქტერიებთან შედარებით შეიძლება მეტად დაკავშირებული იყოს ისეთ პრობლემებთან, როგორიცაა ეგზემა.

თუმცა, კანის მიკრობიომი თავისთავად აღდგება საკმაოდ მოკლე დროში. ამრიგად, შეზღუდული, მოკლევადიანი მზის სხივების ზემოქმედება მნიშვნელოვნად არ ზრდის ეგზემის ან დერმატიტის რისკს. თუმცა, მიუხედავად იმისა, რომ ხანმოკლე ექსპოზიციამ შეიძლება არ გამოიწვიოს ძალიან ბევრი ანთებითი მდგომარეობა, როგორიცაა ეგზემა ან ფსორიაზი, განმეორებითი ექსპოზიცია შეიძლება იყოს უფრო პრობლემური.

ზოგადად, ცნობილია, რომ მზის გადაჭარბებული ზემოქმედება, განსაკუთრებით დამცავი ტანსაცმლისა და მზისგან დამცავი საშუალებების გარეშე, მრავალი თვალსაზრისით საზიანოა.