იწვევს თუ არა ფარისებრი ჯირკვლის პრობლემები აკნეს?
მიუხედავად იმისა, რომ არსებობს მრავალი მიზეზი, რის გამოც აკნე ვითარდება, მოზარდოისა და მის შემდგომ პერიოდში აკნეს ერთ-ერთი მთავარი მიზეზი არის ჰორმონების დისბალანსი.
გამომდინარე იქიდან, რომ ფარისებრი ჯირკვალი არის ენდოკრინული ორგანო, ზოგიერთი ადამიანი ფარისებრ ჯირკვალსა და აკნეს შორის კავშირს ამყარებს.
ფარისებრი ჯირკვალი პასუხისმგებელია ჰორმონების გამოყოფაზე, რომლებიც აკონტროლებენ მეტაბოლიზმს, რასაც ორგანიზმი იყენებს ენერგიის წყაროდ. ის, ასევე არეგულირებს კანის მიერ ჟანგბადის შთანთქმის პროცესს.
კანი შესაძლოა იყოს ერთ-ერთი პირველი ორგანო, სადაც ფარისებრი ჯირკვლის ჰორმონების დისბალანსი ვლინდება, ამიტომ დერმატოლოგები ხშირად ეჭვობენ ფარისებრი ჯირკვლის დარღვევებზე, როდესაც ადამიანებს აქვთ კანის გარკვეული დაავადებები, როგორიცაა ალოპეცია და ვიტილიგო, მაგრამ აკნე, ჩვეულებრივ, არ არის კანის დაავადება, რომელიც დაკავშირებულია ფარისებრი ჯირკვლის დარღვევასთან. ფარისებრი ჯირკვლის ჰორმონებს შეუძლიათ გავლენა მოახდინონ თმის ფოლიკულებზე. ჰიპოთირეოზი ხშირად კანის სიმშრალის მიზეზი ხდება, ხოლო ეს იწვევს ფორების დახშობას, რამაც შესაძლოა აკნეს განვითარებას შეუწყოს ხელი, თუმცა, აკნე არ არის ჰიპოთირეოზის ტიპური სიმპტომი და არ არსებობს რაიმე მტკიცებულება იმისა, რომ ფარისებრი ჯირკვლის ფუნქციის დარღვევა იწვევს აკნეს.