კანთან დაკავშირებული რა პრობლემები იჩენს თავს ზაფხულში
მწერების ნაკბენი).
მზით დამწვრობა
მზით დამწვრობა კანის ყველაზე გავრცელებული პრობლემაა ზაფხულში. მაშინაც კი, თუ თქვენ იყენებთ მზისგან დამცავ კრემს რეგულარულად, ხშირად კანი მაინც ზიანდება ჭარბი მზის აბაზანების შემდეგ. ამიტომ, გამოიყენეთ მზისგან დამცავი კრემი მინიმუმ 30-იანი SPF-ით ყოველდღე თქვენი კანის დასაცავად. გარდა ამისა, ატარეთ ტანსაცმელი, რომელსაც ულტრაიისფერი სხივების დაბლოკვის თვისება გააჩნია. თუკი დამწვრობას შეამჩნევთ, მოერიდეთ მზეს, რადგან მისმა ზედმეტმა ზემოქმედებამ შეიძლება კანი ძლიერად დააზიანოს.
სიცხის გამონაყარი
როდესაც საოფლე ჯირკვლები იკეტება, ოფლი ვერ გამოდის სხეულიდან. ის გროვდება კანქვეშ და შეიძლება ქავილიან გამონაყარად ჩამოყალიბდეს. კანის ამ პრობლემას ხანდახან დასიცხვას ეძახიან. ამ ტიპის გამონაყრის თავიდან აცილებისათვის დღის ყველაზე ცხელ პერიოდში მოერიდეთ გარე აქტივობებს. სხეულის ტემპერატურის შესამცირებლად, ხშირად მიიღეთ გრილი შხაპი.
მზის ალერგია
მზეზე ყოფნისას შეიძლება განვითარდეს ჭინჭრის ციება (კანის ალერგიული რეაქცია). ეს დაავადება, ძირითად შემთხვევაში, ვითარდება მაშინ, თუკი განსაკუთრებული მგრძნობელობა გაქვს მზის მიმართ. ასეთ დროს, შიშველ კანზე შეამჩნევთ წითელ, ქერცლიან და ქავილიან გამონაყარს.
ეგზემის გამწვავება
ეგზემა ქრონიკული მდგომარეობაა, რომელიც კანის ქავილსა და წითელი ლაქების განვითარებას იწვევს. მაღალმა ტემპერატურამ შეიძლება, გააღიზიანოს კანი, ასევე, ამ დროს ოფლი სწრაფად გროვდება იდაყვისა და მუხლების მოსახრელებში. ეს სწორედ ის ადგილებია, სადაც ეგზემა ჩვეულებრივ ჩნდება. ზაფხულში ეგზემის გამწვავების რისკის შესამცირებლად, შეეცადეთ შეინარჩუნოთ სხეულის ზომიერი ტემპერატურა. რეგულარულად ჩამოიბანეთ ოფლი კანიდან სუფთა წყლით, დაიტენიანეთ სხეული მთელი სეზონის განმავლობაში და ხშირად გამოიცვალეთ ტანსაცმელი.
თუკი ზემოთ ჩამოთვლილი პრობლემები ზაფხულში განსაკუთრებით გაწუხებს, აუცილებლად მიაკითხეთ დერმატოლოგს, რომელიც შესაბამის რჩევებსა და მკურნლობას დაგინიშნავთ.