ლალი ჩხიკვაძე

თქვა კოსმეტოლოგმა დევიდ ჯეკმა.

ჯეკის თქმით, ხშირად აკნე ზრდასრულ ასაკში გამოწვეულია ცხიმოვან ჯირკვლებში პროპიონობაქტერია P. Acne გავრცელებით, რომლებიც კანზე ანთების პროვოცირებას ახდენს. ასევე, აკნე შეიძლება იყოს საკვერცხის პოლიკისტოზის ერთ-ერთი გამოვლინება. დაავადების გამწვავების სხვა ფაქტორებია მოწევა, არაჯანსაღი კვება, სტრესის მაღალი დონე, არასწორად შერჩეული მოვლა და გენეტიკური მიდრეკილება.

პირველი, რასაც კოსმეტოლოგი აკნეს წინააღმდეგ ბრძოლის ფარგლებში გვირჩევს, არის რაციონის გადახედვა, რადგან ყოველწლიურად უფრო და უფრო მეტი მტკიცებულება ჩნდება ნაწლავების ჯანმრთელობასა და კანის ანთებას შორის კავშირის შესახებ. კერძოდ, ღირს რაციონიდან რძის პროდუქტების გამორიცხვა, რომლებიც ხშირად შეიცავს ანტიბიოტიკებს და მაღალი დონის ჰორმონის მსგავს ნაერთებს. ფერმენტირებული საკვები, კეფირი, ახალი ბოსტნეული, ვარდკაჭაჭას ფესვი, ხახვი, არტიშოკი, სატაცური და უმი ნიორი დაგეხმარებათ ნაწლავის მიკრობიომის აღდგენაში.

ჯეკის მეორე რეკომენდაციაა, მიირთვათ მეტი ღია ფერის ხილი და ბოსტნეული, ასევე პარკოსნები, ფოთლოვანი მწვანილი და დალიოთ მწვანე ჩაი. ამ კატეგორიის საკვები მდიდარია ანტიოქსიდანტებით, რომლებიც ხელს უწყობენ ორგანიზმში ანთების შემცირებას და, შესაბამისად, აკნეს რისკს. ანტიოქსიდანტების კიდევ ერთი წყარო შეიძლება გახდეს დანამატები. კერძოდ, ომეგა -3 ცხიმოვანი მჟავები, ვიტამინები C და E, თუთია და რეტინოიდები (A ვიტამინის წარმოებულები) აუცილებელია კანის ჯანმრთელობისთვის, დასძინა სპეციალისტმა.

გარდა ამისა, კოსმეტოლოგი მოგვიწოდებს აკნეს გამწვავების დროს სტრესის დონის შემცირების, მუშაობისა და დასვენების გრაფიკის დაცვის, საკმარისი ძილისაკენ და აუცილებლად გადავხედოთ კანის მოვლას. ის გვთავაზობს კოსმეტიკურ პროდუქტებს AHA და BHA მჟავების, რეტინოიდებისა და ნიაცინამიდის შემადგენლობით - ეს ინგრედიენტები ამცირებს კანის ანთებას და ნაწიბურების განვითარების რისკს აკნეს ადგილებში. ამავდროულად, თუ დამოუკიდებლად ვერ უმკლავდებით პრობლემას, უნდა მიმართოთ დერმატოლოგს შესაბამისი თერაპიის შესარჩევად- ასკვნის ჯეკი.