რა უნდა ვიცოდეთ ფსიქოლოგთან ვიზიტისას
ამიტომ იღებს გადაწყვეტილებას, მიმართოს პროფესიონალს, რომელიც შეძლებს მის დახმარებას.
ზოგჯერ ამას ურჩევენ სხვა ადამიანები, ახლობლები, მეგობრები, რომელთაც აწუხებთ ამ ადამიანის ფსიქოლოგიური მდგომარეობა და ცდილობენ მის დახმარებას, ეძებენ მისთვის შესაფერის სპეციალისტს. ზოგჯერ ეს ძალდატანებითიც კია. თუმცა იმისთვის, რომ ადამიანი გაუმკლავდეს ფსიქოლოგიურ პრობლემებს, დაძლიოს ისინი, სასურველია თვითონ, დამოუკიდებლად მიიღოს ასეთი გადაწყვეტილება.
ფსიქოლოგთან ვიზიტისათვის მომზადება ეხმარება ადამიანებს მაქსიმალური სარგებლობის მიღებაში, ეს აადვილებს ეფექტურ კომუნიკაციას პროფესიონალ ფსიქოლოგთან.
როგორ მოვემზადოთ პირველი ვიზიტისთვის
ფსიქოლოგის მიმართვა პაციენტისადმი:
- „დამელაპარაკე, რომ გავიგო, ვინ ხარ“.
- მკაფიოდ ჩამოაყალიბეთ, რა მიზნით მომმართავთ კონსულტაციისთვის – მხოლოდ თქვენი გაცნობიერებული ვიზიტისას იქნება ჩემი დახმარება ეფექტური.
- დაფიქრდით, რას ელით ვიზიტისგან.
- კარგად განსაზღვრეთ, რა არის ჩემი დახმარების არსი.
- ნუ შეგეშინდებათ ამ ნაბიჯის გადადგმის – თქვენ აუცილებლად მიიღებთ დახმარებას და იგრძნობთ შვებას.
როგორც წესი, ჩემთან პირველი ვიზიტი გაცნობითი ხასიათისაა. ეს აუცილებელია, რათა ვიცოდე, როგორ დავგეგმოთ ჩვენი შემდგომი ურთიერთობა. საუბარი მიმდინარეობს წყნარ გარემოში მხოლოდ თქვენსა და ჩემ შორის.
გაცნობის შემდეგ თქვენ მომიყვებით თქვენი პრობლემის შესახებ. საუბრისას მე მომიხდება შეგაწყვეტინოთ და საუბარში ჩავერთო, დაგისვათ კითხვები ამომწურავი ინფორმაციის მისაღებად. თქვენგან მხოლოდ გულწრფელობა და მაქსიმალურად დეტალური საუბარი მჭირდება – ნებისმიერ თქვენთვის უმნიშვნელო დეტალს აქვს დატვირთვა. თუკი ამჩნევთ, რომ რაღაც დაგავიწყდათ ან დაგრჩათ უთქმელი, აუცილებლად მკითხეთ და თქვით. ნუ მოგერიდებათ შეკითხვის დასმა!
რომ გაგიადვილდეთ პირველი შეხვედრა თქვენთვის სრულიად უცხო ადამიანთან, მე თავად გთავაზობთ გზამკვლევს კითხვების სახით, რომელსაც ადამიანები ყოველდღე მისვამენ:
- როგორ ფიქრობთ, რა მჭირს?
- როგორ ფიქრობთ, ჩემი პრობლემა რითია გამოწვეული?
- რა უნდა გავაკეთო, როგორ მოვიქცე, რომ თავი უკეთ ვიგრძნო?
- შევძლებ მარტო გავუმკლავდე პრობლემას, იქნებ თავისით გაიაროს?
- რა მეთოდს მიმართავთ?
- რამდენი ხანი დამჭირდება?
- აუცილებელია თუ არა შევიცვალო ჩვეული ცხოვრების წესი? და ა.შ.
თქვენ სვამთ თქვენთვის საინტერესო კითხვებს და მე გპასუხობთ.
ანუ ფსიქოლოგთან ვიზიტისას ადამიანმა უნდა იცოდეს:
- რა დახმარებას ელოდება მისგან.
- არის თუ არა მზად ფსიქოლოგთან კომუნიკაციისთვის.
- უნდა იცოდეს, რას წარმოადგენს ფსიქოლოგი როგორც სპეციალისტი (ზოგჯერ ვერ არჩევენ ერთმანეთისგან ფსიქოლოგსა და ფსიქიატრს და აქვთ გარკვეული შიში).
- უნდა იცოდეს, რომ ფსიქოლოგის დახმარება მაშინ იქნება ეფექტური და შედეგიანი, როცა გულახდილობისა და გულწრფელობის ხარისხი მაღალია.
- უნდა შეეძლოს დიალოგში მონაწილეობა.
- უნდა ჰქონდეს შესაბამისი განწყობა ფსიქოლოგის მიმართ, ნდობა და რწმენა, რომ ეს ის ადამიანია, რომელსაც შეუძლია მისი დახმარება, რაც აუცილებელია ოპტიმისტური შედეგის მისაღებად.