ფსიქოლოგებმა ჯანსაღი ცხოვრების საიდუმლო ამოხსნეს
ამისათვის შეიმუშავეს მობილური ტელეფონისთვის სპეციალური აპლიკაცია ჩაშენებული სენსორებით, რომელიც ზომავდა არტერიულ წნევასა და გულის ცემის სიხშირეს.
კვლევაში მონაწილეობა მიიღო ხუთი ათასმა მოხალისემ სხვადასხვა ქვეყნიდან. 2019 წლის მარტიდან 2020 წლის დეკემბრამდე მონაწილეები, რომლებმაც გადმოწერეს აპლიკაცია, დღეში სამჯერ აწვდიდნენ ინფორმაციას სტრესის დონეზე, ძილის ხარისხზე, ფიზიკურ აქტივობაზე, ფიქრებსა და მოლოდინებზე. მათ ასევე სიტუაცია უნდა შეეფასებინათ 12-ქულიანი შკალით.
შედეგად, მკვლევარებმა დაადგინეს, რომ ოპტიმისტი და მადლიერი ადამიანების ფიზიკური და ფსიქიკური ჯანმრთელობა უფრო კარგი იყო დანარჩენებთან შედარებით. მათ არტერიული წნევა და გულისცემის სიხშირეც დაბალი ჰქონდათ, ნაკლებად განიცდიდნენ სტრესს, მაღალი იყო მათი ძილის ხარისხი და ფიზიკური აქტივობის დონე. უფრო მეტად ჰქონდათ დადებითი მოლოდინები ცხოვრებისგან და პოზიტიური იყო მათი მხრიდან მომხდარის აღქმა. უფრო მეტად აფასებდნენ გარშემომყოფ ადამიანებს.