მენტალური ჯანმრთელობის რომელი პრობლემებია ყველაზე გავრცელებული
მენტალური პრობლემები უმეტესად გენეტიკას ან ცხოვრების სტილის უკავშირდება. ფსიქიკური დარღვევები შეიძლება იყოს მსუბუქი ან ქრონიკული.
ფსიქიკური ჯანმრთელობის გასაუმჯობესებლად არსებობს გარკვეული ნაბიჯები, თუმცა ზოგიერთი აშლილობა საკმაოდ სერიოზულია და შეიძლება, პროფესიული ჩარევა გახდეს საჭირო.
ყველაზე გავრცელებული ფსიქიკური აშლილობების ტიპები და მათი სიმპტომები:
განწყობის დარღვევები - მიუხედავად იმისა, რომ პერიოდულად განწყობის ცვალებადობა ნორმალურია, განწყობის აშლილობის მქონე ადამიანებს უფრო მძმე სიმპტომები აქვთ.ადამიანი შეიძლება იყოს მუდმივად სევდიანი, უიმედო, შესაძლოა ჰქონდეს დაბალი თვითშეფასება, გადაჭარბებული დანაშაულის გრძნობა, შემცირებული ენერგია. განწყობის ყველაზე გავრცელებული დარღვევებია: დეპრესია, ბიპოლარული აშლილობა.
შფოთვითი დარღვევები - შფოთვითი აშლილობის დროს ადამიანი ხშირად განიცდის სტრესსა და შიშს. შფოთვითი აშლილობის მქონე პირები მსგავს შეგრძნებებს არასტრესულ გარემოშიც განიცდიან. "შფოთვა" ტერმინია, რომელიც მოიცავს უამრავ სხვა აშლილობას, მათ შორის:
- პანიკური აშლილობა;
- სოციალური შფოთვითი აშლილობა;
- გენერალიზებული შფოთვითი აშლილობა;
- ობსესიურ-კომპულსიური აშლილობა;
- პოსტტრავმული სტრესული აშლილობა;
ფსიქოზური დარღვევები - ფსიქიკური აშლილობის ეს ტიპი ადამიანს რეალობის განცდას აკარგვინებს. მეცნიერების აზრით, ზოგიერთმა ვირუსმა, სტრესმა ან ტრავმამ, ასევე ნარკოტიკების მოხმარებამ შეიძლება, დიდი როლი ითამაშოს ფსიქოზური აშლილობების განვითარებაში. ყველაზე გავრცელებული ფსიქოზური დარღვევებია: შიზოფრენია, ბოდვითი აშლილობა, მოკლე ფსიქოზური აშლილობა, ნივთიერებით გამოწვეული ფსიქოზური აშლილობა.
კვებითი დარღვევები - წარმოადგენს რთულ ფსიქიკურ აშლილობას, რომელიც ხშირად ფსიქოლოგის ჩარევას საჭიროებს. ამ ტიპის აშლილობა იწვევს არაჯანსაღი კვების ჩვევების განვითარებას, როგორიცაა საკვების, სხეულის წონის ან სხეულის ფორმის აკვიატება. მძიმე შემთხვევებში, კვების დარღვევამ შეიძლება გამოიწვიოს ჯანმრთელობის სერიოზული პრობლემები. სიმპტომები მოიცავს საკვების მიღებას და შემდეგ ღებინებას, საკვების ძლიერ შეზღუდვას, ან გადაჭარბებულ ვარჯიშს. კვების დარღვევების ყველაზე გავრცელებული ტიპებია: პიკას კვების დარღვევა, რუმინაციის დარღვევა, ნერვული ანორექსია, ნერვული ბულემია.
დემენცია - ტერმინია, რომელიც სპეციფიკური ფსიქიკური მდგომარეობის ფართო სპექტრს მოიცავს. (მიუხედავად იმისა, რომ დემენცია მიჩნეულია, როგორც ერთი ტიპის აშლილობის სახელწოდება) დემენციასთან დაკავშირებული აშლილობებით დაავადებულებმა შეიძლება განიცადონ კოგნიტური შესაძლებლობების დაქვეითება. დემენციის ფორმებია: პარკინსონის დაავადება, ფრონტტემპორალური დემენცია.
აღნიშნული სიმპტომების არსებობის შემთხვევაში, სასურველია სპეციალისტის ჩარევა.