მარიამ ფოლადაშვილი

ძილის ხარისხზე კი გავლენას სხვადასხვა ფაქტორი ახდენს. ძილის ეროვნული ფონდის რეკომენდაციით, მოზრდილებმა შვიდიდან ცხრა საათამდე უნდა იძინონ. არასაკმარისი ძილი, თავის მხრივ, აუარესებს ჯანმრთელობის მდგომარეობას. ერთ-ერთი კვლევის თანახმად, ის პირები რომლებსაც მხოლოდ ოთხი საათი ეძინათ, დღეში 300 კალორიით მეტს იღებდნენ, ვიდრე ისინი, რომელთაც ცხრა საათის განმავლობაში ეძინათ. ეს კი ხელს უყწობს წონის მატებას.

თავად ძილს შეიძლება ხელი შეუშალოს გარკვეულმა დაავადებებმა, როგორიცაა სიმსუქნე, გულის დაავადება, მაღალი წნევა, ინსულტი, დიაბეტი და მრავალი სხვა მდგომარეობა. თუმცა, შეგვიძლია საკვების არჩევანის გაუმჯობესებით შესაძლოა ეს პრობლემა შემცირდეს.

ერთ-ერთმა კვლევამ შეისწავლა კორელაცია ძილის ხანგრძლივობას და უძილობის სიმპტომებს შორის(მონაწილე პირები ხმელთაშუა ზღვის სტილის დიეტას იცავდნენ). შედეგებმა აჩვენა, რომ ხმელთაშუა ზღვის სტილის დიეტა ასოცირდება ძილის ადეკვატურ ხანგრძლივობასთან და უძილობის ნაკლებ სიმპტომებთან.

ხმელთაშუა ზღვის დიეტა მოიცავს ისი რაოდენობით ხილს, ბოსტნეულს, პურს და სხვა მარცვლეულს, კარტოფილს, ლობიოს, კაკალს, ზეითუნის ზეთს, როგორც პირველადი ცხიმის წყაროს, რძის პროდუქტებს, კვერცხს, თევზs. წითელი ხორცი კი შეზღუდულია.

გარკვეული საკვები, რომელიც ხმელთაშუა ზღვის დიეტის ნაწილია, მდიდარია მელატონინით, სეროტონინით და D ვიტამინით. კვლევა ვარაუდობს, რომ გარკვეული საკვები, მათ შორის რძე, ცხიმოვანი თევზი, კივი ხილი შეიძლება მონაწილეობდეს ძილის გაუმჯობესებაში. ცხიმიანი თევზი,მაგალითად ორაგული, მდიდარია D ვიტამინით და ომეგა -3 ცხიმოვანი მჟავებით. ცნობილია, რომ ეს საკვები ნივთიერებები ხელს უწყობს სეროტონინის რეგულირებას და შეიძლება მნიშვნელოვანი აღმოჩნდეს ძილის გაუმჯობესებაში.