როგორ არ მოვიმატოთ წონაში ზამთარში?
წონის მომატების გამომწვევ მიზეზებია: უამინდობა, სიცივე, მუდმივი სიბნელე. ასეთ პირობებში მეტად გვინდება კალორიული საკვების ჭამა და ნაკლებად სახლიდან გასვლა.
კიდევ ერთი მიზეზი საახალწლო და საშობაო არდადეგებია, რომელიც უკავშირდება გემრიელ საჭმელს.
• ბევრი ჩვენგანი, მეტს ჭამს ზამთარში, რაც ზრდის დღიური კალორიების მიღებას საშუალოდ 86%-ით.
• ხანმოკლე დღე და დაბალი ტემპერატურა ცვლის გემოვნების პრეფერენციებს: ადამიანები იწყებენ მეტი ნახშირწყლების ჭამას სეროტონინის, სიხარულის ჰორმონის გამომუშავების გასაძლიერებლად, რომელიც ნაკლებად გამომუშავდება ზამთრის პირქუშ დღეებში, ვიდრე ზაფხულში.
რა უნდა გააკეთოთ იმისათვის, რომ ზამთარში წონაში არ მოვიმატოთ:
1. ფიზიკური აქტივობა
ზამთარში შეიძლება შემცირდეს ფიზიკური აქტივობა: ქუჩა ცივი, მოლიპულ და ზოგადად არც თუ ისე სასიამოვნოა.
გამოსავალია ვარჯიში და ფიზიკური აქტივობა. შეეცადეთ ყოველდღე იაროთ, არ დაივიწყოთ ზამთრის აქტივობები - თხილამურებით სრიალი და ციგურაობა.
2. კვება
კვება უნდა იყოს დაბალანსებული.
ძალიან მნიშვნელოვანია, რომ არ დაივიწყოთ ბოსტნეული, რადგან ის დაბალკალორიულია, ასევე შეიცავს ბოჭკოებს, რომლებიც სასარგებლოა ჯანმრთელობისათვის.
კიდევ ერთი სასარგებლო პროდუქტია ცხიმიანი ზღვის თევზი, რომელიც ნაწილობრივ მაინც ანაზღაურებს D ვიტამინის სეზონურ ნაკლებობას, რომელსაც ხშირად ვაწყდებით ზამთარში.
ვიტამინი D ხელს უწყობს ძვლების გაძლიერებას, მნიშვნელოვანია მეტაბოლიზმისთვის და მთლიანი ორგანიზმის ფუნქციონირებისთვის. გარდა ამისა, ის აუმჯობესებს განწყობას.
3. წყლის ბალანსი
ბევრს ავიწყდება წყლის მნიშვნელობა, მაგრამ ის ზამთარში უნდა დალიოთ. სითხის ნაკლებობა მეტაბოლური პროცესის შენელდებას.
გახსოვდეთ, რომ ალკოჰოლი, რომელსაც ბევრი ადამიანი სვამს უფრო ხშირად ცივ თვეებში და წინასადღესასწაულო პერიოდში, იწვევს დეჰიდრატაციას. ეს ნიშნავს, რომ ზამთარში განსაკუთრებული ყურადღება უნდა მიექცეს სითხის მიღებას.
4. კარგი ძილი
ძილის ხარისხი გავლენას ახდენს ჩვენს ჯანმრთელობასა და კეთილდღეობაზე. ძილის ხანგრძლივობა ასევე მოქმედებს წონაზე.
გარდა ამისა, ძილის ნაკლებობამ შეიძლება გამოიწვიოს შიმშილის გამწვავება - ეს გამოწვეულია ჰორმონის გრელინის კონცენტრაციის მომატებით, რომელიც არეგულირებს ჩვენს მადას.
5. სანელებლები
მეცნიერები ირწმუნებიან, რომ სანელებლებს ნამდვილად აქვთ სარგებელი. ამას ადასტურებს 2021 წელს გამოქვეყნებული ფართომასშტაბიანი კვლევის შედეგები.
ყველაზე ეფექტური იყო რეჰანი, კარდამონი, დარიჩინი, ქინძი, ნიორი, ჯანჯაფილი, კურკუმა და შავი კვლიავი. ამ კომპონენტების საკვებში დამატება გავლენას ახდენდა წონაზე, წელის გარშემოწერილობაზე და სხეულის მასის ინდექსზე. ეფექტი შესამჩნევი იყო ამ სანელებლების ყოველდღიურად დამატებისას 4-16 კვირის განმავლობაში.
მთავარი რეკომენდაციაა ჯანსაღი ცხოვრების წესის დაცვა მთელი წლის განმავლობაში.