როგორ შევამციროთ საჭმლისკენ ლტოლვა
რომელთაც ემორჩილება ჩვენი სხეული.
ბევრი, ჭამას იწყებს დიდი ბედნიერების ან პირიქით მოწყენილობისა და დარდის გამო. ამის მიზეზია საჭმლისადმი და საკუთარი გრძნობებისადმი არაჯანსაღი დამოკიდებულება. საჭმლისადმი ამგვარი ლტოლვა შეიძლება მოვთოკოთ თუ გვეცოდინება რა გახდა ტრიგერი, რათა ყოველ ჯერზე, ჭამის სურვილის გაჩენისას, ვიპოვოთ განწყობის გაუმჯობესების ალტერნატიული გზა ან მაღალკალორიული, გემრიელი საკვების ნაცვლად საკუთარი თავის დაჯილდოების სხვა საშუალება.
ამ საკითხის ირგვლივ მეორე რეკომენდაციაა საკუთარ ტავს მივცეთ დრო არჩევანის გასაკეთებელად. ყოველთვის, როდესაც რაიმე მავნე საკვების მირთმევა მოგვინდება, სჯობს შევჩერდეთ და დავფიქრდეთ: შეიძლება თუ არა სხვა რამის ჭამა, რის გამოც დანაშაულის გრძნობა არ შეგვაწუხებს.
ზოგჯერ გარკვეული საკვებისადმი ლტოლვა ორგანიზმის სიგნალია, რომელიმე ელემენტის ნაკლებობაზე. თუ უეცრად ჯემიანი ფუნთუშის მირთმევა მოგვინდა, შესაძლებელია ორგანიზმი ამგვარდად ცდილობს შაქრის მოთხოვნილების დაკმაყოფილებას. რკინის უკმარისობის დროს, ადამიანები რკინით გაჯერებული პროდუქტების მიღებისკენ მიილტვიან.
ქრონიკული სტრესი შეიძლება მოქმედებდეს იმ ჰორმონების დონეზე, რომელიც მადას აკონტროლებს. ამიტომ ამ პრობლემასთან გამკლავებისას უნდა გამოვიყენოთ სტერესთან ბრძოლის ალტერნატიული მეთოდები: გავისეირნოთ, მოვუსმინოთ მუსიკას, ვისაუბროთ ახლობლებთან ან საღამოს გართობა დავგეგმოთ.
ამასთან უმნიშვნელოვანესია სრულფასოვანი ძილი. ბევრი წარმატებულად უმკლავდება ჭამისადმი ლტოლვას მთელი დღის განმავლობაში, მაგრმ ღამით, ძილის წინ თავს ვეღარ ერევა. ეს შეიძლება ძილის ცუდ ხარისხს უკავშირდებოდეს. სასურველია ერთსადაიმავე დროს დავწვეთ დასაძინებლად. ამასთან უნდა მოვერიდოთ ძილის წინ, კომპიუტერით სარგებლობას და დაძინებამდე თავი შევიკავოთ საკვების მიღებისაგან.