რომელი პროდუქტების მიღებისაგან უნდა შეიკავოს თავი მამაკაცმა 40 წლის შემდეგ
ალკოჰოლი, გადამუშავებული ხორცი და ზედმეტად ცხიმიანი საკვები.
40 წლის შემდეგ მამაკაცმა განსაკუთრებული ყურადღება უნდა მიაქციოს რაციონს, რათა წონაში არ მოიმატოს. სიმსუქნე უარყოფითად მოქმედებს სქესობრივ ფუნქციაზე, ორგანიზმში აქვეითებს ტესტოსტერონის დონეს.
მამაკაცმა ამ ასაკიდან ნაკლებად უნდა მიიღოს წითელი ხორცი, მეტად ჩართოს რაციონში თევზი და ზღვის პროდუქტები, მცენარეული ცილა, ნიგოზი. ასევე სასარგებლოა გოგრის თესლი, რადგანაც ის დადებითად მოქმედებს სქესობრივ ფუნქციაზე და სასარგებლოა პროსტატიტის დროს.
უმჯობესია რაციონიდან ამოვიღოთ ალკოჰოლი ან შემოვიფარგლოთ კვირაში ერთი-ორჯერ ბოკალი კარგი ღვინის მიღებით. მნიშვნელოვანია მეტი ახალი ხილისა და ბოსტნეულის მიღება.
ნებისმიერ ძეხვეულსა და შებოლილ პროდუქტში დიდი რაოდენობითაა ცხიმები და დანამატები, რაც გრძელვადიან პერსპექტივაში უარყოფითად მოქმედებს ცხოვრების ხარისხზე.