კვების თავისებურებები გაზაფხულზე
ეს აისახება ზოგად განწყობაზე, კანის, თმისა და ფრჩხილების მდგომარეობაზე. დაბალანსებული კვებით ორგანიზმს ვეხმარებით, რადგან სილამაზე და ჯანმრთელობა კუჭიდან იწყება. ამისათვის ორგანიზმს უნდა მივაწოდოთ ძირითადი ვიტამინები და მინერალური ნივთიერებები. გაზაფხულის დიეტამ სრულიად შეიძლება დააკმაყოფილოს ნებისმიერის გემოვნება. მასში არ არის ის პროდუქტები, რომლებიც ავტომატურად უნდა გამოირიცხოს რაციონიდან. არსებობს ერთი ძირითადი წესი – პრდუქტები ისე უნდა შეირჩეს, რომ ორგანიზმი უზრუნველყოფილი იყოს ყველა ჯგუფის ვიტამინით.
რჩევა 1. მნიშვნელოვანია გვახსოვდეს, რომ გაზაფხულზე ორგანიზმი განიცდის სერიოზულ ჰიპოვიტამინურ სტრესს, ამიტომ არ უნდა გავერთოთ დიეტებით. გაზაფხულის კვება უნდა იყოს მრავალფეროვანი.
რჩევა 2. არსებობს მოსაზრება, რომ გაზაფხულის ხილი და ბოსტნეული არ არის ვიტამინებით მდიდარი. ეს ნაწილობრივ ასეცაა. მაგრამ ხილი და ბოსტნეული გაზაფხულზე მდიდარია უჯრედისით, რომელიც ორგანიზმიდან ტოქსინების გამოყოფაში გვეხმარება. ხილი და ბოსტნეული უნდა შედიოდეს ყოველდღიურ რაციონში. სასურველია, რომ ის შეადგენდეს საკვების ერთ მიღებას. ხილი უკეთ აითვისება ნახევრად სავსე კუჭში, ტრაპეზამდე 0,5-1 საათით ადრე.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
რჩევა 3. უნდა გავითვალისწინოთ პროდუქტების თავსებადობა ათვისების დროის მიხედვით. ამასთან დაკავშირებით ბოსტნეული, რომელიც სალათში უფრო სასარგებლოა, უნდა მივიღოთ ხორცთან ერთად – ეს არის ხანგრძლივად გადასამუშავებელი პროდუქტები. პურსა და მაკარონს ორგანიზმი გაცილებით სწრაფად ითვისებს. მათი მიღება უმჯობესია ყველსა და მწვანილთან ერთად.
რჩევა 4. გაზაფხულზე თავი უნდა შევიკავოთ ვეგეტარიანელობისგან. კვირაში 3-4-ჯერ ქალის ორგანიზმს ესაჭიროება ხორცი და ცხოველური წარმოშობის პროდუქტები. სრულფასოვან ცილებთან ერთად ისინი შეიცავენ ცხიმებს, ე.წ. ექსტრაქტულ ნივთიერებებს, რომლებიც საჭმლის მომნელებელი წვენების გამომუშავების ძლიერი გამღიზიანებელია. მათი საშუალებით საკვები უკეთ აითვისება და ნივთიერებათა ცვლაც დაბალანსებული ხდება.
რჩევა 5. გაზაფხულზე დალიეთ რაც შეიძლება მეტი სითხე: მწვანე ჩაი, უშაქრო კომპოტები. შეზღუდეთ ყავისა და ალკოჰოლური სასმელების მიღება.
რჩევა 6. ვიტამინების მარაგის გაკეთება შეუძლებელია. ორგანიზმმა ის ყოველდღე უნდა მიიღოს. ჰარმონიული კვება უნდა შეიცავდეს ვიტამინების მარაგს. ამისათვის რაციონში უნდა იყოს თევზი, ღვიძლი, ნიგოზი, შვრია. ეს უკანასკნელი ხელს უწყობს ნაწლავის მუშაობას, აკონტროლებს ცხიმების ათვისებას. გარდა ვიტამინებისა, შვრიაში არის ასევე კალიუმი, მაგნიუმი, ფოსფორი, ქრომი, რკინა, მარგანეცი და იოდი. შვრიაში შეიცავს ისეთ იშვიათ კომპონენტსაც, როგორიცაა კრემნიუმი. ის აფერხებს თმის ცვენას, აძლიერებს თმის ძირებს, ხოლო შვრიის შემადგენლობაში არსებული ფთორის ნაერთები აჯანსაღებს კბილებს.
გაზაფხულის თავბრუხვევა, სისუსტე და დათრგუნული მდგომარეობა ხშირად დაკავშირებულია ჰემოგლობინის დონის დაქვეითებასთან, რაზეც პასუხისმგებელია რკინა. რკინის ათვისებას ხელს უწყობს ნიგოზი, განსაკუთრებული ადგილი უჭირავს ვაშლს.
კალციუმის უკმარისობა გაზაფხულის პრობლემების ყველაზე გავრცელებული მიზეზია, რომელიც უკავშირდება ძვლების სიმყიფეს და კბილის მინანქრის დაშლას. ამგვარად, ორგანიზისთვის აუცილებელია არა მარტო ვიტამინები, არამედ მიკროელემენტები. მიუხედავად მრავალფეროვანი კვებისა, გაზაფხულზე ორგანიზმს შეიძლება მივაწოდოთ პოლივიტამინები, ასევე ძალიან სასარგებლოა თევზის ქონი.
ორგანიზმისთვის ყველაზე მნიშვნელოვანი მიკროელემენებია:
- კალციუმი – შეიცავს რძის პროდუქტები, ლეღვი და სხვა ჩირი;
- რკინა – ხორცი, ლობიო, წიწიბურა, ღვიძლი, კვერცხის გული, შოკოლადი და ჩირი;
- იოდი – იოდიზებული მარილი და ზღვის პროდუქტები;
- მაგნიუმით მდიდარია ბანანი, კარტოფილი, კაკაო და ფრინველის ხორცი;
- თუთიას შეიცავს თევზი, ხურმა, ყველი, საქონლისა და ღორის ხორცი.
