მეცნიერებმა დაასახელეს პროდუქტები, რომლებიც დემენციისგან იცავს
რომელთა სტატიაც გამოქვეყნდა ჟურნალში Neurology, დაადგინეს, რომ ანტიოქსიდანტების - ლუთეინის, ზეაქსანტინებისა და ბეტა-კრიპტოქსანტინის (კაროტინოიდები) სისხლში მაღალი დონის შემთხვევაში, ხანდაზმულობისას, დემენციის განვითარების რისკი მნიშვნელოვნად დაბალია.
კაროტინოიდების მდიდარ წყაროს წარმოადგენს მწვანე ფოთლოვანი ბოსტნეული, როგორიცაა ისპანახი, რეჰანი, ოხრახუში, ასევე მწვანე მუხუდო, ბროკოლი, გოგრა, პარკოსნები, ფორთოხალი, მანდარინი, ხურმა, პაპაია, სტაფილო, კივი, ბულგარული წიწაკა, ვაშლი. ანტიოქსიდანტები ტვინის უჯრედებს იცავენ ჟანგვითი სტრესისგან გამოწვეული დაზიანებებისაგან.
მეცნიერებმა დასკვნები გააკეთეს შვიდი ათასი ადამიანის მონაცემების გაანალიზებით, რომელთა ასაკიც კვლევის დასაწყისში იყო არა ნაკლებ 45 წელი. ყველა მათგანმა გაიარა სამედიცინო შემოწმება და ჩააბარა სისხლი ანტიოქსიდანტების შემცველობაზე. მონაწილეებზე დაკვირვება გაგრძელდა 16 წლის განმავლობაში.
მიღებული ინფორმაციის ანალიზმა აჩვენა, რომ სისხლში ლუთიენისა და ზეაქსანტინის დონის დაახლოებით 15,4 მკმოლ/ლ გაზრდით, დემენციიის რისკი მცირდებოდა 7%-ით.
რაც შეეხება ბეტა-კრიპტოქსანტინს, სისხლში ამ ნივთიერების დონის დაახლოებით 8,6 მკმოლ/ლ მომატებისას, დემენციის რისკი 14%-ით მცირდებოდა.