რატომაა საშიში წვენების დიეტა
დიეტა არ უნდა გულისხმობდეს მკაცრ შეზღუდვებს, განსაკუთრებით შიმშილს. ეს ეწინააღმდგება ზოგადად დიეტის დაცვის აზრს. მეცნიერულად დამტკიცბულია, რომ ექსტრემალური შეზღუდვები არ არის საჭირო ზედმეტი წონისგან მარტივად გათავისუფლებისათვის. მოხდენილი და ჯანმრთელი სხეული კვების სერიოზული შეზღუდვების შედეგი კი არ არის, არამედ მიკროელემენტებისა და საკვები ნივთიერებების ბალანსი. რაციონის შეზღუდვით კი ზიანი ადგება ჯანმრთელობას. ნებისმიერი დიეტა ექიმის რეკომენდაციით უნდა დავიცვათ. ადამიანის ჯანმრთელობა პირდაპირ უკავშირდება საჭმლის ხარისხს და მის მრავალფეროვნებას.
ცნობილია, რომ ორგანიზმში ცილის ნაკლებობა აქვეითებს იმუნიტეტს. ვეგეტარიანელები და მკაცრ დიეტაზე მყოფი ადამიანები რისკ ჯგუფში იმყოფებიან, რადგანაც მცენარეული ცილა სრულად ვერ აკმაყოფილებს ორგანიზმის ამინომჟავებზე მოთხოვნას. იმუნური სისტემის სწორი მუშაობისთვის ასევე საჭიროა მიკროელემენტების და ვიტამინების გარკვეული რაოდენობა.
გარკვეულმა დიეტებმა შეიძლება სერიოზული ზიანი მიაყენოს ორგანიზმს და ხელი შეუწყოს სხვადასხვა, მაგალითად, კუჭ-ნაწლავის ტრაქტის დაავადების განვითარებას. ამ ჯგუფის დიეტებს სპეციალისტები მიაკუთვნებენ ნახშირწყლების დაბალი და ცილების მაღლი შემცველობის დიეტებს. ამ დროს აღინიშნება პირიდან უსაიმოვნო სუნი. შეიძლება ზედმეტად დაიტვირთოს თირკმელები. ამ დროს საჭიროა სითხის მიღების გაზრდა.
ორგანიზმზე უარყოფითად მოქმედებს წვენების დიეტა. რაციონიდან გამორიცხავენ პრაქტიკულად ყველა მინერალურ ნივთიერებას, ცილებს, ნახშირწყლებს და ცხიმებს. ნახშირწყლების რაოდენობა კი მცირდება, თუმცა იზრდება შაქრის მოხმარება. ეს იწვევს სიმსუქნეს და ნივთიერებათა ცვლის დარღვევას.