რა უნდა გაითვალისწინოთ კონტაქტური ლინზების ტარებისას
და გარკვეული წესების დაცვა.
არ დაიძინოთ კონტაქტური ლინზით - მათთან ერთად ძილი ამცირებს ჟანგბადის ნაკადს თვალში და ქმნის ინფექციების განვითარების რისკს.
მიუხედავად იმისა, რომ ზოგიერთი ლინზის გამოყენება ძილისას უსაფრთხოდაა მიჩნეული, კონტაქტურ ლინზებთან დაკავშირებულმა თითქმის ყველა კვლევამ აჩვენა კავშირი ინფექციის რისკსა და კონტაქტურ ლინზასთან ერთად ძილს შორის. არსებობს ლინზები, რომლებიც დამტკიცებულია 30 დღემდე უწყვეტი ტარებისთვის, თუმცა, ზოგიერთი ექიმის რეკომენდაციით, უმჯობესია თუ ძილის წინ მოხდება ლინზების თვალიდან ამოღება.
ყოველწლიურად ჩაიტარეთ თვალის გამოკვლევა - ყოველწლიური შემოწმება ადგენს საჭიროა თუ არა ლინზის კორექტირება.
არ გამოიყენით ლინზა გამოყენების ვადის გასვლის შემდეგ - ამან შეიძლება გამოიწვიოს რქოვანას აბრაზია ან ბაქტერიების დაგროვება ლინზის შიგნით.
გარეცხეთ ლინზები სწორად - არასოდეს გარეცხოთ ლინზა ონკანის წყლით, რადგან ონკანის წყალი არ არის სტერილური და შეიძლება შეიცავდეს ბაქტერიებს, რომლებიც იწვევენ ინფექციებს. კონტაქტური ლინზები უნდა გაიწმინდოს კონტაქტური ლინზების ხსნარით, ინსტრუქციის შესაბამისად. ასევე, ყოველდღე გაასუფთავეთ და გააშრეთ ლინზის შესანახი კონტეინერი, შემდეგ კი შეავსეთ იგი ახალი ხსნარით.
ნუ უგულებელყოფთ ინფექციის გამაფრთხილებელ ნიშნებს - თუ თქვენ განიცდით ტკივილს, სიწითლეს, მხედველობის დაბინდვას ან მგრძნობელობის მომატებას სინათლის მიმართ, თქვენს თვალებს შეიძლება ჰქონდეს პრობლემა, რომელიც საჭიროებს სამედიცინო დახმარებას. როგორც წესი, თუ რომელიმე ჩამოთვლილი სიმპტომი გაგრძელდება 24 საათზე მეტ ხანს, აუცილებელია სწრაფად მიმართოთ ოფთალმოლოგს.
თუ კონტაქტურ ლინზებთან დაკავშირებული პრობლემები დროულად მოგვარდება, თავიდან ავიცილებთ მხედველობის სხვადასხვა პრობლემას.
ლინზების გამოყენების, მათი მოვლის წესების ცოდნით შეგიძლიათ კომფორტულად ატაროთ კონტაქტური ლინზები თვალების დაძაბვისა და დაზიანების გარეშე.
