იწვევს თუ არა საჭმლის მომნელებელი სისტემის პრობლემები თირკმლის ქვებს?
მნიშვნელოვანია იცოდეთ რამ შეიძლება განაპირობოს თირკმლის ქვები. ექსპერტების განმარტებით, კუჭ-ნაწლავის ტრაქტის პრობლემები( ფაღარათიდან დაწყილი, ზოგიერთი დიეტით დამთავრებული) შეიძლება თირკმელებში კენჭების განვითარების მიზეზი გახდეს.
ზოგიერთი მიზეზი:
დიარეა
დიარეამ, იშვიათად, თუმცა შეიძლება გამოიწვიოს თირკმელში კენჭები, ძირითადად, დეჰიდრატაციის გამო. დამოკიდებულია იმაზე, თუ რა სახის დიარეა გაქვთ და რა არის დიარეის მიზეზი.
ზოგადად, ეს პრობლემა თირკმელებში ქვების წარმოქმნას მაშინ უწყობს ხელს, თუ პროცესი გრძელდება ხანგრძლივი დროის განმავლობაში, მაგალითად, ქრონიკული დიარეის შემთხვევაში. თუმცა, ნაკლებად სავარაუდოა, რომ ქვები გაჩნდეს ხანმოკლე დიარეის შედეგად, ისევე როგორც საკვებით მოწამვლისას.
აბსორბციის პროცესის დარღვევა
პაციენტებს, რომელთაც აქვთ კუჭ-ნაწლავის დარღვევები, როგორიცაა კრონის დაავადება, შეიძლება მიდრეკილნი იყვნენ თირკმლის კენჭებისკენ და ეს დაკავშირებულია კალციუმთან და ოქსალატთან.
მიუხედავად იმისა, რომ კალციუმის ოქსალატი არის ქვების ყველაზე გავრცელებული სახეობა და შეიძლება წარმოიქმნას მრავალი პრობლემის შედეგად (მაგალითად, როდესაც არ სვამთ საკმარის სითხეს), კრონის დაავადების მქონე პაციენტები კენჭების წარმოქმნის გაზრდილი რისკის ქვეშ არიან. ამ დაავადების მქონე პაციენტები ვერ ითვისებენ ცხიმებს და ეს ცხიმები ნაწლავში კალციუმს უკავშირდება. კალციუმი კი აკავშირებს მოლეკულას, რომელსაც ოქსალატი ჰქვია. ოქსალატი შემდეგ შეიწოვება კუჭ-ნაწლავის ტრაქტში და გამოიყოფა შარდში. პაციენტის შარდში ოქსალატის დონის მატებასთან ერთად, შარდის შემადგენლობის სხვა ცვლილებების გარდა, ოქსალატის მოლეკულებს შეუძლიათ შარდში კალციუმთან დაკავშირება და თირკმელებში კენჭების წარმოქმნა.
დიეტის ეფექტი
თირკმლის ქვების მქონე პაციენტებმა სპეციალისტთან ერთად უნდა განიხილონ დიეტასთან დაკავშირებული კონკრეტული რეკომენდაციები. მათ შეიძლება დასჭირდეთ შარდის ტესტის ჩატარება, რომელიც განსაზღვრავს მოდიფიცირებად რისკ - ფაქტორებს, მათ შორის მარილის მიღების შემცირებას.
გარდა ამისა, აცნობეთ ექიმს თუ იღებთ რაიმე დანამატს, რადგან ზოგიერთმა დანამატმა, მაგალითად C ვიტამინმა, შეიძლება გაზარდოს ქვების წარმოქმნის რისკი.
ცილოვანი დიეტა
მიუხედავად იმისა, რომ ისინი უკვე რამდენიმე წელია მოდურია, ცილოვანი დიეტებით შეიძლება გაზარდოთ თირკმლის კენჭების განვითარების რისკი.
დიდი რაოდენობით პროტეინი იწვევს შარდმჟავას დაგროვებას შარდში. მჟავის მაღალმა დონემ, თავის მხრივ, შეიძლება გამოიწვიოს თირკმლის ქვები. ექიმები რეკომენდაციას უწევენ დიეტას, რომელიც ზღუდავს ცხოველური ცილების ყოველდღიურ მიღებას.
პრევენცია:
მნიშვნელოვანია ჰიდრატაცია(დალიეთ დღეში მინიმუმ 2,5 ლიტრი სითხე).
დააკვირდით მიღებული ცხოველური ცილების რაოდენობას.
ყურადღება მიაქციეთ მარილის დოზებს. თქვენს დიეტაში ნატრიუმის ჭარბმა რაოდენობამ შეიძლება გაზარდოს კალციუმის რაოდენობა შარდში, რამაც შეიძლება გამოიწვიოს თირკმლის ქვები.
ლიმონს და ცაცხვს აქვს ბევრი ლიმონმჟავა, რომელიც ხელს უშლის ქვების წარმოქმნას და შეუძლია გარკვეული ტიპის ქვების დაშლაც კი.
განიხილეთ თირკმლის ქვების წარმოქმნის პროფილაქტიკის გზები ექიმთან, თუ თქვენ გაქვთ დაავადებები, რომლებიც დაკავშირებულია თირკმლის ქვების განვითარების გაზრდილ რისკთან.