შაქრის მოხმარებამ შეიძლება გაზარდოს თირკმლის ქვების წარმოქმნის რისკი - მკურნალი.გე

მარიამ ფოლადაშვილი

შაქრის უარყოფითი გავლენა ჯანმრთელობაზე, როგორიცაა მაღალი წნევა, ინსულინის მიმართ რეზისტენტობა და სიმსუქნე, ასევე არის თირკმლის ქვების წარმოქმნის რისკ-ფაქტორები.

შაქარმა ასევე შეიძლება გამოიწვიოს შარდის მოცულობის შემცირება და შარდში კალციუმის მომატება, რაც თირკმლის ქვების განვითარების რისკ-ფაქტორია. თირკმლის ქვების სხვა რისკ-ფაქტორებია სიმსუქნე, დიაბეტი და ნაწლავის ანთებითი დაავადება.

დამატებული შაქარი, კალორიული დამატკბობელია, რომელიც ემატება საკვებს ან სასმელს დამუშავების ან მომზადების დროს არომატისთვის.

კვლევის ავტორებმა გააანალიზეს 28,303 ზრდასრული ადამიანის მონაცემები. მონაცემები მოიცავდა მონაწილეთა ისტორიას თირკმელების კენჭებისა და მათ მიერ ყოველდღიურად მოხმარებული შაქრის დოზის შესახებ. კვლევამ აჩვენა, რომ დამატებული შაქარი იწვევს თირკმლის ქვების წარმოქმნას. დასკვნები ახლახან გამოქვეყნდა Frontiers in Nutrition-ში.

მკვლევარებმა ასევე გამოიკვლიეს ისეთი ფაქტორები, როგორიცაა სქესი, ასაკი, რასა ან ეთნიკური წარმომავლობა, სხეულის მასის ინდექსი და სამედიცინო ისტორია, რათა დაედგინათ, შეიძლება თუ არა რომელიმე ამ ფაქტორს ჰქონდეს როლი თირკმლის ქვების განვითარებაში.

მკვლევარებმა აღმოაჩინეს, რომ მონაწილეებს, რომლებიც მეტ შაქარს მოიხმარდნენ, უფრო მეტად აღენიშნებოდათ თირკმლის ქვები.

მონაწილეებს, რომლებიც თავიანთი მთლიანი ენერგიის 25%-ზე მეტს იღებდნენ დამატებული შაქრისგან, თირკმლის კენჭების განვითარების 88%-ით მეტი შანსი ჰქონდათ, ვიდრე მათ, რომელთა ჯამური ენერგიის 5%-ზე ნაკლები მიღებული იყო დამატებული შაქრისგან.

რატომ იწვევს შაქრის მიღება თირკმლის ქვებს?

არსებობს მტკიცებულება, რომ შაქარი ზრდის კალციუმის რაოდენობას შარდში, რის გამოც შაქრის თავიდან აცილება ჯანსაღი დიეტის ნაწილია, რომელიც ხელს უწყობს თირკმელების კენჭების პროფილაქტიკას.

დამატებულმა შაქარმა შეიძლება გამოიწვიოს ჯანმრთელობის სხვადასხვა პრობლემები, როგორიცაა მაღალი წნევა, ინსულინის მიმართ რეზისტენტობა, სიმსუქნე, მეტაბოლური სინდრომი, ეს ყველაფერი განიხილება თირკმელების კენჭების წარმოქმნის რისკ - ფაქტორად.

ასევე, შაქარი პასუხისმგებელია შარდის მოცულობის შემცირებასა და კალციუმის მატებაზე. ეს ორივე ხელს უწყობს თირკმლის ქვების განვითარებას.