საკვები, რომელიც თირკმელების გაწმენდას უწყობს ხელს
და უჯრედშორისი სითხის ქიმიური შედგენილობის მუდმივობის შენარჩუნება სხვადასხვა ნივთიერების შერჩევითი გამოტანის გზით. თირკმელები მონაწილეობენ ორგანიზმში წყლის, ელექტროლიტებისა და მჟავა-ტუტე წონასწორობის შენარჩუნებაში. ისინი არეგულირებენ სისხლის წნევას და ამავე დროს ასინთეზებენ D ვიტამინს.
აქედან გამომდინარე, ადამიანის ორგანიზმისათვის თირკმელების ჯანმრთელობასა და ნორმალურ ფუნქციობას ძალიან დიდი მნიშვნელობა აქვს. ამის უზრუნველსაყოფად კი აუცილებელია მათი პერიოდულად გაწმენდა. დიეტაში გარკვეული ცვლილებების შეტანა დაეხმარება თქვენს თირკემელებს ტოქსინებისგან გაწმენდაში და ამავე დროს დაგიცავთ კენჭების წარმოქმნისგან. ასეთი პროდუქტებია:
კენკრა - კენკრა ანტიოქსიდანტების წყაროა. კენკრის რეგულარულად მიღება ეხმარება თირკმელებს შარდის მჟავას გამოთავისუფლებაში. ასევე სასარგებლოა ყურძენი. ისშეიცავს ქინინებს, რომლებიც ხელს უწყობს შარდის გამოყოფას, ამიტომაც განსაკუთრებულად მნიშვნელოვანია თირკმელებისათვის.
იოგურტი - იოგურტი შეიცავს სასარგებლო პრობაქტერიებს, რომლებიც ეხმარება თირკმელებს გაწმენდაში. საკვებ რაციონში იოგურტისა და სხვა რძემჟავა პროდუქტების წილი დაბალანსებული უნდა იყოს.
გოგრის თესლი - ტოქსინების გამოდევნის ეფექტური საშუალებაა. მდიდარია ანტიოქსიდანტებით, ვიტამინებითა და მინერალებით, რომლებიც მნიშვნელოვანია თირკმელების ჯანმრთელობისთვის.
ლიმონის წვენი - ლიმონის წვენი ბუნებრივად მჟავეა და ზრდის ციტრატის დონეს შარდში, რაც ხელს უშლის თირკმლის ქვების წარმოქმნას. ლიმონის წვენი ასევე ფილტრავს სისხლს და გამოდევნის ნარჩენებს და სხვა ტოქსინებს. გაზავებული ლიმონის წვენის ყოველდღიური მიღება ამცირებს თირკმელებში ქვების წარმოქმნის სიჩქარეს და ხსნის კალციუმის ოქსალატის კრისტალებს, რომელიც თირკმლის კენჭების ყველაზე გავრცელებული შემადგენელია. თირკმელებში ქვების მქონე ადამიანებისთვის ლიმონის და ზეითუნის ზეთის შერწყმა უზრუნველყოფს ქვების გლუვ გავლას.
საზამთრო - საზამთრო მსუბუქი შარდმდენი საშუალებაა. ატენიანებს და ასუფთავებს თირკმელებს. ის ასევე მდიდარია ლიკოპენით, რომელიც აუმჯობესებს გულ-სისხლძარღვთა ჯანმრთელობას და უზრუნველყოფს თირკმელების კარგად ფუნქციონირებას. საზამთრო ასევე შეიცავს დიდი რაოდენობით კალიუმის მარილებს, რომლებიც არეგულირებს შარდის მჟავიანობას და ხელს უშლის ქვების წარმოქმნას. სინამდვილეში, საზამთროს რეგულარული ჭამა შესანიშნავია თირკმელების ჯანმრთელობისთვის.
ბროწეული - ბროწეულის წვენიც და მარცვლებიც დიდი რაოდენობით კალიუმს შეიცავს და ამიტომ ეფექტურია თირკმლის ქვების მოსაცილებლად. კალიუმი ამცირებს შარდის მჟავიანობას, ხელს უშლის ქვების წარმოქმნას მისი შემკვრელი თვისებების გამო, აფერხებს მინერალების კრისტალიზაციას და გამოდევნის ტოქსინებს და ნარჩენებს თირკმელებიდან.