მარიამ ფოლადაშვილი

ტუბერკულოზი აზიანებს ფილტვებს, მაგრამ ზოგჯერ შეიძლება დაინფიცირდეს სხეულის სხვა ნაწილები, როგორიცაა ხერხემალი ან ტვინი. მას შეუძლია გამოიწვიოს მუდმივი ხველა, რომელიც მწვავე რესპირაციულ დაავადებებს არ უკავშირდება, საერთო სისუსტე, გულმკერდის არეში ჭვალი, გულმკერდის ტკივილი, წონაში მკვეთრი კლება, მადის დაკარგვა, ცხელება და შემცივნება.

ფაქტები:

ზოგიერთი ადამიანი ტუბერკულოზის უფრო მაღალი რისკის ქვეშ იმყოფება - ტუბერკულოზი, ყველაზე ხშირად, დაქვეითებული, დასუსტებული იმუნიტეტის მქონე პირებში გვხვდება.

ტუბერკულოზი არც ისე ადვილად ვრცელდება - ტუბერკულოზი გადადის დიდი ხნის განმავლობაში ადამიანთან მჭიდრო კონტაქტისას, აქტიური ტუბერკულოზით დაავადებული ადამიანი ათავისუფლებს ბაქტერიას ხველის, ცემინების, ლაპარაკის ან სიცილის დროს. ადამიანების (ვინც სუნთქავს ამ ბაქტერიას) იმუნურ სისტემას შეუძლია შეებრძოლოს და შეაჩეროს ბაქტერიის ზრდა მაგრამ, თუ იმუნური სისტემა ვერ შეაჩერებს ბაქტერიების ზრდას, ის აქტიურ ტუბერკულოზის ფორმად იქცევა. ამ დროს იწყება სიმპტომები და ადამიანი გადამდები ხდება.

ბავშვებში, ინფიცირების შემდეგ, ტუბერკულოზის ჩამოყალიბების რისკი საკმაოდ მაღალია. აქტიური ტუბერკულოზის ფორმით ბავშვები ავადდებიან აქტიური ტუბერკულოზით დაავადებულ ადამიანთან მჭიდრო კონტაქტის შედეგად.

ლატენტური ბაქტერიები ორგანიზმში შეიძლება მოგვიანებით გააქტიურდეს. თუ ადამიანის იმუნური სისტემა, რომელსაც აქვს არააქტიური ტუბერკულოზის ფორმა, დასუსტდება, ბაქტერია შეიძლება გაიზარდოს და განვითარდეს აქტიური ტუბერკულოზი.

დაავადება შესამჩნევი და განკურნებადია - ადრეული გამოვლენა და მკურნალობა არის ტუბერკულოზის გავრცელების კონტროლის გასაღები. ის შეიძლება გამოვლინდეს სისხლის ან კანის ანალიზით, მაშინაც კი, როდესაც ის ლატენტურია ადამიანის სხეულში. როგორც არააქტიური ბაქტერია, ასევე აქტიური ტუბერკულოზის შემთხვევების უმეტესობას მკურნალობენ ანტიბიოტიკებით.

ექიმის რეკომენდაციით, შესაძლოა ტუბერკულოზის სკრინინგის განხილვა, თუ:

• თქვენ გქონდათ კონტაქტი იმ პირთან, რომელიც დაავადებულია ტუბერკულოზით;
• თქვენი ორგანიზმის წინააღმდეგობა დაავადების მიმართ დაბალია სუსტი იმუნური სისტემის გამო;
• ფიქრობთ, რომ გაქვთ ტუბერკულოზის სიმპტომები