რა სიმპტომები ახასიათებს ეპშტეინ-ბარის ვირუსს
ეს არის ადამიანის ერთ-ერთი ყველაზე გავრცელებული ვირუსი. ეპშტეინ-ბარის ვირუსი, EBV, გვხვდება მთელ მსოფლიოში. ადამიანები შეიძლება დაინფიცირდნენ EBV-ით ცხოვრების გარკვეულ მომენტში. EBV ყველაზე ხშირად ვრცელდება სხეულის სითხეებით, ძირითადად ნერწყვით. ეპშტეინ-ბარის ვირუსმა შეიძლება გამოიწვიოს ინფექციური მონონუკლეოზი.
EBV ინფექციის სიმპტომები შეიძლება მოიცავდეს:
- დაღლილობას;
- ცხელებას;
- ყელის ტკივილს;
- ლიმფური კვანძების გადიდებას;
- გადიდებულ ელენთას;
- ღვიძლის გადიდებას;
- გამონაყარს
ბევრი ადამიანი ბავშვობაში ინფიცირდება EBV-ით. EBV ინფექციები ბავშვებში, როგორც წესი, არ იწვევს სიმპტომებს, ან სიმპტომები არ განსხვავდება სხვა მსუბუქი, ხანმოკლე ბავშვთა დაავადებებისგან. ადამიანები, რომლებსაც აღენიშნებათ EBV ინფექციის სიმპტომები უმჯობესდებიან ორ-ოთხ კვირაში. თუმცა, ზოგიერთმა ადამიანმა შეიძლება იგრძნოს დაღლილობა რამდენიმე კვირის ან თვეების განმავლობაშიც კი.
EBV-ით ინფიცირების შემდეგ, ვირუსი ორგანიზმში შეიძლება გახდეს ლატენტური, არააქტიური. ზოგიერთ შემთხვევაში, ვირუსი შეიძლება ხელახლა გააქტიურდეს. ეს ყოველთვის არ იწვევს სიმპტომებს, მაგრამ დასუსტებული იმუნური სისტემის მქონე ადამიანებს უფრო მეტად უვითარდებათ სიმპტომები.
როგორ ხდება ვირუსის გადაცემა
EBV ადვილად ვრცელდება:
- ნერწყვით;
- კოცნით;
- სასმელებისა და საკვების გაზიარებით;
- იგივე ჭიქის, ჭურჭლის ან კბილის ჯაგრისების გამოყენებით
ეპშტეინ-ბარის ვირუსი ყველაზე ხშირად ვრცელდება სხეულის სითხეებით, განსაკუთრებით ნერწყვით, სქესობრივი კონტაქტით, თუმცა, EBV ასევე შეიძლება გავრცელდეს სისხლით.
EBV ინფექციის დიაგნოსტიკა შეიძლება იყოს რთული, რადგან სიმპტომები სხვა დაავადებების მსგავსია. EBV ინფექცია შეიძლება დადასტურდეს სისხლის ტესტით, რომელიც აღმოაჩენს ანტისხეულებს.
EBV-ს სპეციფიკური მკურნალობა არ არსებობს. თუმცა, ზოგიერთი რამ შეიძლება გაკეთდეს სიმპტომების შესამსუბუქებლად არის:
- სითხის დალევა ჰიდრატაციის შესანარჩუნებლად;
- დასვენება;
- შესაბამისი მედიკამენტების მიღება