მარიამ ფოლადაშვილი

ნაწლავის ჯანსაღ მიკრობიომს ქმნის მიკროორგანიზმების მრავალფეროვანი სპექტრი.

გრაცის ტექნოლოგიური უნივერსიტეტის ახალი კვლევა ამბობს, რომ ხილისა და ბოსტნეულის მიღება უზრუნველყოფს ადამიანის ნაწლავში ბაქტერიულ მრავალფეროვნებას.

ბოლო რამდენიმე წლის განმავლობაში, ადამიანებმა კარგად შეისწავლეს ნაწლავის მიკრობიომი და მისი ჯანმრთელობის შენარჩუნების მნიშვნელობა. ჯანსაღი მიკრობიომი არა მხოლოდ საჭმლის მომნელებელ სისტემას ეხმარება საკვების მონელებაში, არამედ მხარს უჭერს იმუნურ სისტემას.

საინტერესოა, თუ რა უნდა მიირთვათ იმისათვის, რომ გქონდეთ მრავალფეროვანი და ჯანსაღი ნაწლავის მიკრობიომი. ავსტრიის გრაცის ტექნოლოგიური უნივერსიტეტის ახალი კვლევა ვარაუდობს, რომ ეს მარტივია, ამისათვის საჭიროა მეტი ხილისა და ბოსტნეულის ჭამა. დასკვნები გამოქვეყნდა ჟურნალში Gut Microbes.

მკვლევარებმა პირველად შექმნეს ხილისა და ბოსტნეულის მიკრობიომის მონაცემების კატალოგი. ამან მათ საშუალება მისცა გაერკვიათ, რომელი ბაქტერია და სხვა მცენარეული მიკროორგანიზმები მოდის თითოეული ტიპის პროდუქტიდან. მკვლევარებმა შეძლეს ნაწლავებში ხილისა და ბოსტნეულის მიკროფლორაზე გავლენის მტკიცებულების აღმოჩენა.

მათი დასკვნებიდან გამომდინარე, მეცნიერებმა დაადგინეს, რომ ჩვილობის პერიოდში მეტი ხილისა და ბოსტნეულის მიღება დადებით გავლენას ახდენს იმუნური სისტემის განვითარებაზე სიცოცხლის პირველი სამი წლის განმავლობაში. ნაწლავის საერთო მიკრობიოტა, როგორც ჩანს, ამ პერიოდში ყალიბდება და ნაკლებად ან რთულად იცვლება მას შემდეგ, რაც ბავშვი 2-3 წლის გახდება. აქედან გამომდინარე, მნიშვნელოვანია, რომ მშობლებმა დანერგონ ჯანსაღი კვებითი ჩვევები ადრეულ ასაკში, რათა მათ შვილს ჰქონდეს ჯანსაღი ნაწლავის მიკრობიოტა მთელი ცხოვრების მანძილზე, რომელიც უმნიშვნელოვანესია საერთო ჯანმრთელობის ხელშეწყობისთვის.

ბაქტერიების მრავალფეროვნება არის ჯანსაღი ნაწლავისთვის უმნიშვნელოვანესი ფაქტორი. ორი იდენტური მიკრობიომი არ არსებობს. მკვლევარების შეფასებით, ცალკეული ადამიანების ნაწლავის მიკრობიომები 80-90%-ით განსხვავდება როცა ერთმანეთს ადარებენ. რაც საერთოა ყველა ადამიანის მიკრობიომისთვის არის მათი საჭიროება. რაც უფრო მრავალფეროვანია მიკრობომი, მით უკეთ მოქმედებს და მით მეტ ფუნქციას ასრულებს.

ზოგიერთმა ფაქტორმა შეიძლება შეამციროს მათი რიცხვი, როგორიცაა დაბერება, გარემო ფაქტორები ან გარკვეული მედიკამენტების მიღება, როგორიცაა ანტიბიოტიკები. მრავალფეროვნების ნაკლებობამ ან სასიცოცხლო მიკროორგანიზმების მცირე რაოდენობამ ნაწლავში შეიძლება გამოიწვიოს ჯანმრთელობის სხვადასხვა პრობლემები, მათ შორის აუტოიმუნური დაავადებები. საჭმლის მომნელებელი დარღვევები, მაღალი ქოლესტერინი და სიმსუქნე.

ამ მიზეზების გამო, ადამიანებმა აქტიურად უნდა იმუშაონ, რათა მათი ნაწლავის მიკრობიომი მრავალფეროვანი და ჯანმრთელი იყოს.

ამისათვის:

მიირთვით მრავალფეროვანი საკვები, მათ შორის პრებიოტიკები და ფერმენტირებული საკვები.

მოერიდეთ სტრესს.

მოერიდეთ ხელოვნურ დამატკბობლებს.

მიიღეთ პრობიოტიკები საჭიროებისამებრ.

როგორ ეხმარება ბოსტნეულის და ხილის ჭამა ნაწლავებს

ერთ-ერთი მიზეზი, რის გამოც ხილი და ბოსტნეული ასე მნიშვნელოვანია ნაწლავების ჯანმრთელობისთვის, დაკავშირებულია მათ ბოჭკოვან შემადგენლობასთან, როგორც უხსნად, ასევე ხსნადთან.

ხსნადი ბოჭკოიხსნება წყალში, მაგრამ ასევე იერთებს წყალს, რაც აძლევს მას შესაძლებლობას აითვისოს ცხიმი და ქოლესტერინი და შეუძლია დაეხმაროს ნაწლავის ტრაქტის გაწმენდასდა გასუფთავებას. ეს ბოჭკოები, ხილსა და ბოსტნეულში აღმოჩენილ საკვებ ნივთიერებებთან ერთად, კვებავს ნაწლავში არსებულ მიკრობიომს, ააქტიურებს, იცავს და მხარს უჭერს ფიზიოლოგიურ და ბიოლოგიურ ფუნქციებს.

ხილისა და ბოსტნეულის ჭამა, რომელიც ხელს უწყობს თქვენი ნაწლავის მიკრობიომის მრავალფეროვნებას, ასევე ხელს უწყობს მნიშვნელოვანი ვიტამინებისა და მოკლეჯაჭვიანი ცხიმოვანი მჟავების გამომუშავებას. მოკლეჯაჭვიანი ცხიმოვანი მჟავები არის ნაწლავის უჯრედების ძირითადი საკვები ნივთიერებები და სასიცოცხლოდ მნიშვნელოვანია უჯრედების ფუნქციონირებისთვის.

რომელი ხილი და ბოსტნეულია საუკეთესო ბაქტერიების მრავალფეროვნებისთვის

ხილისა და ბოსტნეულის უმეტესობა მდიდარია ხსნადი და უხსნადი ბოჭკოებით და აქვს სასარგებლო კომპონენტები. მათგან განსაკუთრებით სასარგებლოა:

ბრიუსელის კომბოსტო, კომბოსტო, კალე, რუკოლა, ასპარაგუსი და ბროკოლი.

ფერმენტირებული პროდუქტები - კეფირი, მჟავე კომბოსტო, იოგურტი.

ხილი, როგორიცაა ბანანი, ლეღვი, მსხალი, კენკრა, ვაშლი, გარგარი, ვაშლი და კივი.

თუ გაქვთ შებერილობა, გაღიზიანებული ნაწლავის სინდრომი (IBS) ან სხვა კუჭ-ნაწლავის პრობლემები, რომლებიც ხელს უშლის სხვადასხვა ხილისა და ბოსტნეულის მოხმარებას, შეგიძლიათ მიმართოთ რეგისტრირებულ დიეტოლოგს, რათა შეარჩიოთ შესაბამისი პროდუქტები ნაწლავის ჯანმრთელობისთვის.