რა შეიძლება იყოს საკვების მიღების შემდეგ ღებინების გამომწვევი მიზეზები
ზოგიერთი გავრცელებული მიზეზი შეიძლება იყოს დაკავშირებული სტრესთან, საკვებით მოწამვლასთან, მედიკამენტების არასასურველ გვერდით ეფექტებთან, ჭარბი რაოდენობით დანამატების ან ვიტამინების მიღებასთან.
საკვების მიღების შემდეგ გულისრევის გამომწვევი შესაძლო მიზეზები:
ვირუსული ან ბაქტერიული ინფექცია - ამ დროს შეიძლება გაგიჩნდეთ გულისრევის შეგრძნება ჭამის შემდეგ, რომელიც, ჩვეულებრივ, გრძელდება 24-დან 48 საათამდე, მაგრამ შესაძლოა განიცადოთ სხვა სიმპტომებიც, როგორიცაა ცხელება, კუნთების ტკივილი და სახსრების ტკივილი.
Საკვებით მოწამვლა - ამ შემთხვევაში, ღებინება ეხმარება ორგანიზმს, რათა თავი დააღწიოს მავნე ნივთიერებებს, როგორიცაა ინფექცია, ტოქსინები და სხვა რამ.
კვებითი ალერგია - კვებითი ალერგია ყველა ადამიანში განსხვავებულად ვლინდება. უმეტეს შემთხვევაში, როდესაც პირველად განიცდით კვებით ალერგიას, შეიძლება გქონდეთ მსუბუქი სიმპტომები. ამის შემდეგ ყოველი ეპიზოდი შეიძლება ბევრად უფრო სწრაფად გამწვავდეს და გამოიწვიოს უფრო მძაფრი რეაქცია.
სტრესი და შფოთვა - თქვენს სხეულს შეიძლება ჰქონდეს სხვადასხვა რეაქცია სტრესსა და შფოთვაზე. მათ შორის, ხანგრძლივ სტრესზე ორგანიზმის ერთ-ერთი რეაქცია შეიძლება იყოს გულისრევა საკვების მიღების შემდეგ.
გულძმარვა - შეიძლება ჭამიდან მალევე გამოვლინდეს, განსაკუთრებით მაშინ, როდესაც მიირთმევთ ცხარე, ცხიმიან ან მძიმე საკვებს. ამ დროს, წვის შეგრძნება აღინიშნება გულმკერდისა და ყელის ზედა ნაწილში. ზოგჯერ კი შეიძლება გამოიწვიოს გულისრევა.
ნაღვლის ბუშტის დაავადება - ნაღვლის ბუშტი გამოყოფს ნაღველს, რათა მოხდეს ცხიმოვანი საკვების დაშლა. ნაღვლის ბუშტის დაავადების არსებობის შემთხვევაში, ეს მნიშვნელოვანი პროცესი შეიძლება დაირღვეს და სხვა სიმპტომებთან ერთად გამოიწვიოს გულისრევა. თუ გაქვთ ნაღვლის ბუშტის დაავადება, გულისრევა თავს იჩენს ჭამიდან 15-დან 20 წუთში და ამას, ჩვეულებრივ, თან ახლავს მუცლის ტკივილი, ფაღარათი და ზოგჯერ აუხსნელი წონის კლება.
პანკრეატიტი - ეს მდგომარეობა შეიძლება განვითარდეს ნაღვლის ბუშტის კენჭების, ალკოჰოლის მოხმარების და სხვა მიზეზების შედეგად. ქმნის ფერმენტებს, რომლებიც მონაწილეობს საკვების გადამუშავებაში. თუ პანკრეასი არის ანთებითი ან დაზიანებული, მან შეიძლება ვერ წარმოქმნას საკმარისი ფერმენტები. პანკრეასის დარღვევებმა შეიძლება გამოიწვიოს მუცლის ტკივილი, გულისრევა, დიარეა და აუხსნელი წონის დაკარგვა.
ზოგიერთი მედიკამენტი - ისეთმა წამლებმა, როგორებიცაა კრუნჩხვის საწინააღმდეგო მედიკამენტები და დიაბეტის წამლები, შეიძლება გავლენა იქონიოს თქვენს მადაზე და საბოლოოდ გამოიწვიოს გულისრევა.
საკვების მიღების შემდეგ გულისრევის გამომწვევ სხვა მიზეზებს შორისაა: გაღიზიანებული ნაწლავის სინდრომი და გადაჭარბებული ჭამა.
არ უნდა სცადოთ საკუთარი თავის მკურნალობა, მაგრამ თუ თავს კარგად არ გრძნობთ, არის რამდენიმე რამ, რისი გაკეთებაც შეგიძლიათ გულისრევის შეგრძნების შესამსუბუქებლად.
ყველაზე მნიშვნელოვანი არის ჰიდრატაციის შენარჩუნება და დასვენება. გარდა ამისა, თქვენ უნდა აკონტროლოთ, როდის გრძნობთ გულისრევის შეგრძნებას, რამ გამოიწვია ის, რამდენ ხანს გრძელდება და რამ გააუმჯობესა. ეს არის ყველა მნიშვნელოვანი ინფორმაცია, რომელიც დაგეხმარებათ ექიმთან ერთად დიაგნოზის დადგენაში. თუ გულისრევა არ ქრება, ამ დროს უმჯობესია ექიმთან ვიზიტი.
