რამ შეიძლება გამოიწვიოს პანკრეატიტი
პანკრეატიტის დროს ჯირკვლის მიერ გამომუშავებული ფერმენტები ჯირკვალშივე აქტიურდება და ქსოვილს აზიანებს. ამ პროცესს თვითმონელება ეწოდება. დაზიანებულ ადგილი ნეკროზდება, ვითარდება სისხლჩაქცევა და ანთება.თვითმონელების პროდუქტები კი სისხლის მიმოქცევაში გადადის და ძლიერ ინტოქსიკაციას იწვევს.ამ პროცესს თან ახლავს ძლიერი ტკივილი.
არსებობს პირველადი და მეორეული პანკრეატიტი
პირველადი პანკრეატიტის შემთხვევაში ანთებითი პროცესი კუჭქვეშა ჯირკვალში იწყება. ანთება ვითარდება ტრავმის, პანკრეასის სისხლმომარაგების დარღვევის, ალკოჰოლიზმის, დაუბალანსებელი კვების შედეგად. მიზეზად შეიძლება იყოს ზოგიერთი ვირუსული ინფექციაც.
მეორეული პანკრეატიტი დაკავშირებულია ნაღველკენჭოვან დაავადებასთან და საჭმლის მომნელებელი სხვა ორგანოების პათოლოგიებთან.
პანკრეატიტი შეიძლება იყოს მწვავე ან ქრონიკული.
დროულად და სწორად ნამკურნალევი მწვავე პანკრეატიტი სიცოცხლისთვის საშიში არ არის, გართულებულმა კი შესაძლოა გამოიწვიოს პანკრეონეკროზი, სისხლდენა, ინფექცია. თუმცა, თუკი არ მოხდება შესაბამისი მკურნალობა მწვავე პროცესი შეიძლება ქრონიკული გახდეს და შესაძლოა კიბოშიც გადაიზარდოს.
მწვავე პანკრეატიტის სიმპტომებია:
- ძლიერი ტკივილი კუჭის არეში;
- მაღალი ტემპერატურა;
- პულსის აჩქარება;
- გულისრევა,ღებინება;
- შებერილობა;
გარდა ამისა, ტკივილი შესაძლოა აღინიშნებოდეს ჭამის შემდეგ, ტკივილი განსაკუთრებით მწვავდება ცხიმიანი საკვების მიღების შემდეგ.
მწვავე პანკრეატიტი შეიძლება გამოიწვიოს:
- ინფექციამ;
- ავტოიმუნურ პროცესმა;
- ქრონიკულ ალკოჰოლიზმმა;
- მეტაბოლურმა დარღვევებმა;
- ნაღველკენჭოვანმა დაავადებამ;
- ზოგიერთმა მედიკამენტმა
ქრონიკული პანკრეატიტი
ქრონიკული პანკრეატიტის დროს თავს იჩენს შემდეგი სიმპტომები:
- სისხლის შედედების დარღვევა;
- ასთენია - საერთო სისუსტე;
- მუცლი ტკივილი;
- გულისრევა, ღებინება;
- წონის კლება
ქრონიკული პანკრეატიტი შეიძლება გამოიწვიოს ნაღვლკენჭოვანმა დაავადებამ, ტრიგლიცერიდების მაღალმა დონემ, ალკოჰოლიზმმა,ზოგიერთმა მედიკამენტმა.
პანკრეატიტის დროს აუცილებელია დროული მკურნალობის დაწყება, დიეტის დაცვა(ცხიმიანი პროდუქტების შემცირება), წონის კონტროლი.