მარიამ ფოლადაშვილი

კოფეინს შეუძლია ოდნავ გაზარდოს სისხლში შაქარი მაშინაც კი, თუ თქვენ არ დაუმატებთ რძეს ან შაქარს ფინჯანში. მაგრამ, დიაბეტის მქონე ყველას არ აქვს შესამჩნევი ცვლილებები სისხლში. ყავა შეიძლება იყოს ჯანსაღი დიეტის ნაწილი დიაბეტით დაავადებულთათვის.

ამაღლებს თუ არა ყავა სისხლში შაქარს?

ყავას შეუძლია დროებით გამოიწვიოს სისხლში შაქრის მცირე მატება, მაშინაც კი, როდესაც ის არ შეიცავს ნახშირწყლებით მდიდარ დანამატებს, როგორიცაა შაქარი, სიროფი ან კრემი.

• კოფეინს შეუძლია ადრენალინის მსგავსი ჰორმონების გამოყოფა, რამაც შეიძლება გამოიწვიოს ღვიძლში გლუკოზის გამოყოფა და სისხლში გადასვლა. მაგრამ, ეს მატება ძალიან მცირეა. ყავის დალევის შემდეგ სისხლში შაქრის დონის ზრდა არ არის საკმარისი იმისათვის, რომ დიდი გავლენა მოახდინოს სისხლში შაქრის საერთო კონტროლზე.

ნახშირწყლები ყავაში

დიაბეტით დაავადებული ყავის მოყვარულთათვის რეალური პრობლემა არის დანამატებში არსებული ნახშირწყლები, რომლებიც მწარე ფინჯან შავ ყავას ტკბილს ან არომატულს ხდის.

შაქარი

არომატიზირებული სიროფები

ბუნებრივი დამატკბობლები, როგორიცაა თაფლი, აგავას სიროფი ან ნეკერჩხლის სიროფი

რძე

ყავაში დამატებული რძე, რძის ფხვნილი, კრემი ან ნაღები იგივე გავლენას ახდენს სისხლში შაქარზე, როგორც საკვებში არსებული ნახშირწყლები. ასევე, არ არის სასარგებლო მაღალცხიმიანი რძის პროდუქტები.

თუ შაქრის სწრაფი და დიდი მატება რეგულარულად ხდება ამ დანამატების გამო, ეს ზრდის დიაბეტის გართულებების რისკს.

ყავის სარგებელი

კვლევებმა აჩვენა, რომ ყავის დალევამ შეიძლება შეამციროს ტიპი 2 დიაბეტის რისკი გრძელვადიან პერსპექტივაში. ადამიანები, რომლებიც ყოველდღიურად, ზომიერად მოიხმარენ ყავას, თითქმის 50%-ით ნაკლები აქვთ კარდიომეტაბოლური დაავადებების რისკი, მათ შორის ტიპი 2 დიაბეტი, გულის დაავადება ან ინსულტი. სხვა კვლევებმა აღმოაჩინა მსგავსი ასოციაციები, რაც საკმარისია ექსპერტების დასარწმუნებლად იმაში, რომ ნამდვილად არის კავშირში.

მიჩნეულია, რომ ყავის ფიტოქიმიური ნაერთები მხარს უჭერენ ღვიძლის ჯანსაღ ფუნქციას, რაც თავის მხრივ ხელს უწყობს სისხლში შაქრის უკეთ კონტროლს.

• ადამიანებს, რომლებსაც უკვე აქვთ დიაბეტი უმჯობესია შავი ყავა.
• თუ იღებთ ინსულინს დილით მაშინ უმჯობესია ექიმთან კონსულტაცია, რადგან დადგინდეს თქვენთვის დილის საუკეთესო რეჟიმი.
• მოერიდეთ ზედმეტად ტკბილი ყავის სასმელებს ყავის მაღაზიაში ან სასურსათო მაღაზიაში, რადგან ისინი ბევრ დამატებულ შაქარს შეიცავენ.
• ყავის დალევამდე ერთი ჭიქა წყლის დალევა ხელს უწყობს გლუკოზის ჯანსაღ მეტაბოლიზმს, ხოლო დეჰიდრატაციამ შეიძლება სისხლში შაქრის მატება გამოიწვიოს.
• აირჩიეთ უშაქრო მცენარეული რძე, როგორიცაა ნუშის ან სოიოს რძე, ისინი ნაკლებ ნახშირწყალს შეიცავენ. მოერიდეთ შვრიის რძეს, რომელიც მეტ ნახშირწყალს შეიცავს.
• შეუთავსეთ ყავა ვარჯიშს. ყავის შემდეგ მოკლე, სწრაფი სიარული დაგეხმარებათ სისხლში შაქრის დონის კონტროლში.

თუ დილით რეგულარულად შეინიშნება შაქრის მაღალი დონე, მიმართეთ ექიმს.