დაუსრულებელი სურდო – ალერგიული რინიტი
ცემინებით, მოდუნებით და შრომისუნარიანობის დაქვეითებით. ცხვირიდან გამონადენი, როგორც წესი, გრძელდება 7-10 დღე, შემდეგ კი ვირუსული ინფექციის სიმპტომები ქრება, ჩვენი ჯანმრთელობის მდგომარეობა უმჯობესდება და ვივიწყებთ დაავადებასთან დაკავშირებულ დისკომფორტს.
იმ შემთხვევებში, როდესაც გაციების სიმპტომები – ცხვირის ღრუს ანთება და სურდო – დიდი ხნით არ ქრება, ვითარდება გარკვეულ პირობებში ან წელიწადის კონკრეტულ დროს, არ არის გამორიცხული ალერგიული რინიტის არსებობა. ალერგიული რინიტის სიმპტომებზე, განვითარების მიზეზებზე, დიაგნოსტიკასა და მკურნალობის მეთოდებზე გვესაუბრება
ხუჯაძე-გოგნიაშვილის კლინიკის ექიმი-ოტორინოლარინგოლოგი თათია ზარნაძე.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
– ქალბატონო თათია, რატომ არის აუცილებელი, რომ ადამიანმა ცხვირით ისუნთქოს?
– ცხვირით თავისუფალი სუნთქვა ადამიანის ჯანმრთელობისათვის მნიშნელოვანია. ცხვირით ხდება ჰაერის გასუფთავება (ვირუსებისაგან და ბაქტერიებისაგან), დატენიანება და ქვემო სასუნთქი გზებისკენ ჟანგბადის გატარება. თუ დაირღვა ცხვირით სუნთქვა პაციენტები აღნიშნავენ დისკომფორტს (თავის ტკივილს, საერთო სისუსტეს, ადვილად დაღლას).
– რამ შეიძლება გამოიწვიოს ცხვირით სუნთქვის გაძნელება?
– ცხვირით სუნთქვის გაძნელება შეიძლება გამოიწვიოს:
- ცხვირის ძგიდის გამრუდებამ;
- ნიჟარების ჰიპერტროფიამ;
- ვირუსულმა და ბაქტერიულმა ინფექციებმა;
- გრიპის ვირუსმა;
- ზოგადი ალერგიული ფონის მომატებამ.
– რადგანაც ზოგადი ალერგიული ფონის მატება ახსენეთ, იქნებ უფრო ვრცლად ვისაუბროთ რა მდგომარეობაა ალერგიული რინიტი?
– ალერგიული რინიტის დროს ცხვირით სუნთქვის გაძნელებასთან ერთად პაციენტები აღნიშნავენ:
- ცემინებას;
- ცხვირიდან ხახაში გადანადენს;
- სიმძიმის შეგრძნებას სახის არეში.
– რატომ ვითარდება ალერგიული რინიტი და რამდენადაა დაკავშირებული სეზონურობასთან?
– გაზაფხულსა და შემოდგომაზე მომატებული ალერგიული ფონი იწვევს ცხვირის ღრუს ლორწოვანის შეშუპებას, ცხვირიდან გამონადენს, ცემინებას, თუმცა ალერგიული რინიტი არასეზონურადაც შეიძლება გამოვლინდეს – თუ პაციენტს აღენიშნება ალერგია:
- მტვერზე;
- მძაფრ სუნებზე;
- ყვავილებზე;
- დახურულ სივრცეზე.
თუ საზოგადოდ პაციენტი ალერგიულია და სეზონური ალერგიაც დაერთო, რა თქმა უნდა, მათთან უფრო მკვეთრად არის გამოხატული ჩივილები.
– როგორ გავარჩიოთ ალერგიული რინიტი გაციებისგან?
– ალერგიული რინიტი რომ გავარჩიოთ გაციებისგან, ამისათვის საჭიროა ექიმთან ვიზიტი, მოხდეს ანამნეზის შეკრება, ჩატარდეს გამოკვლევები.
ალერგიული რინიტის დროს, წინა რინოსკოპიით ცხვირის ღრუს ლორწოვანი არის შეშუპებული და ციანოზური, ქვედა სავალში თეთრი ფერის ან გამჭვირვალე ჩამონადენით. გაციების დროს ცხვირის ღრუს ლორწოვანი არის ჰიპერემიული და შეშუპებული, ჩამონადენი დასაწყისში გამჭვირვალეა, შემდგომ მოყვითალო-მომწვანო.
– რატომ არის აუცილებელი ალერგიული რინიტის დროს დროულად ექიმთან ვიზიტი?
– ალერგიული რინიტის დროს თუ ცხვირის გაჭედვა დიდხანს დარჩა, არ ჩატარდა სათანადო მკურნალობა, შესაძლებელია დაირღვეს ცხვირის დანამატი წიაღების აერაცია და განვითარდეს ანთებითი პროცესი – სინუსიტები (ჰაიმორიტი, ფრონტიტი, ეთმოიდიტი, სფენოიდიტი). ხშირი ალერგიული რინიტების დროს შესაძლებელია ცხვირის ღრუს პოლიპის ჩამოყალიბებაც.
– როგორ ხდება ალერგიული რინიტის მკურნალობა?
– პაციენტები ცხვირის გაჭედვის დროს თვითნებურად იყენებენ ცხვირის გამხსნელებს. ალერგიული რინიტის დროს მათი გამოყენება არ არის რეკომენდებული, სასურველია ანტიალერგიული პრეპარატების გამოყენება როგორც დასალევად, ისე ადგილობრივად, ცხვირში შესასხმელად.
– როგორია ალერგიული რინიტის შემთხვევაში პროგნოზი?
– თუკი პაციენტს დადასტურებული აქვს ალერგიული რინიტი, მისთვის აუცილებელია სეზონურად ჩაიტაროს ანტიალერგიული მკურნალობა ადგილობრივი ანტიალერგიული პრეპარატებით, რაც შეამცირებს პაციენტის ზოგად ჩივილებს.
– რამდენადაა შესაძლებელი ალერგიული რინიტის პროფილაქტიკა და როგორ?
– პაციენტებმა, რომლებსაც სეზონური ალერგია აღენიშნებათ, სასურველია, ცხვირში შესასხურებლად, ალერგოლოგის დანიშნულ მკურნალობასთან ერთად, გამოიყენონ ანტიალერგიული შესასხურებლები.
