კვლევის ფარგლებში მეცნიერები ადარებდნენ ალერგიით დაავადებული 56 ბავშვის ფეკალურ მასებს 98 ჯანმრთელი პირის ფეკალურ მასებთან. საფუძვლიანად ანალიზდებოდა ბაქტერიათა შემცველობა და სახეობები. როგორც გაირკვა (ვარაუდობდნენ კიდეც თავიდანვე) ჯანმრთელ ბავშვებს ჯანსაღი მიკროფლორა ჰქონდათ, ალერგიით დაავადებულებს კი ბევრი ბაქტერიის დეფიციტი.
ამის დასადგენად მეცნიერები მორიგეობით უნერგავდნენ ჯანმრთელი ბავშვების ფეკალიებიდან გამოყოფილ სხვადასხვა ბაქტერიას საცდელ ვირთაგვებს. ცხოველთა აღნიშნული შტამი გენეტიკურად წინასწარგანწყობილი იყო საკვებისმიერი ალერგიისადმი (წინასწარ გამოიყვანეს სპეციალური ჯიში).
მრავალრიცხოვანი კვლევებით დადგინდა, რომ ყველაზე მკვეთრად გამოხატული დამცველობითი ეფექტი ჰქონდათ ბაქტერიებს Clostridiales და Bacteroidales. მეტიც, მეცნიერებმა პირველად აღწერეს მექანიზმი, რომლითაც აღნიშნული ბაქტერიები ურთიერთქმედებენ იმუნური სისტემის T-უჯრედებთან. მიღებული კვლევის შედეგები იმედს უსახავს სპეციალისტებს, რომ შეიქმნება ახალი ანტიალერგიული საშუალებები, პრობიოტიკოთერაპიის მეთოდები და ალერგიით დატანჯულები საბოლოოდ შვებას მოიპოვებენ.
თინათინ გოცაძე
!["ყველა ბავშვი შემოწმდება და პირველივე სიმპტომის შემთხვევაში, არ დაიშვება საჯარო ბაღებში"](https://mkurnali.ge/pictures/image26/32c538e17756afc111b93d3da4ee86ab.jpg ""ყველა ბავშვი შემოწმდება და პირველივე სიმპტომის შემთხვევაში, არ დაიშვება საჯარო ბაღებში"")
