ადამიანების დაახლოებით მესამედს, ვინც ატარებს კონტაქტურ ლინზებს, ერთხელ მაინც დაავიწყებიათ მათი ამოღება ღამით.

REM ძილის სტადიაში ჩნდება სიზმრები, რომლებიც მნიშვნელოვან როლს ასრულებს ემოციების და სტრესის დონის რეგულირებაში.

კარგი ძილი ჯანსაღი ცხოვრების აუცილებელი კომპონენტია. კარგად გამოძინებული ადამიანი მთელი დღე მხნედ არის.

დაღამება ბევრს აშინებს. ზოგს არ ეძინება, ზოგსაც ეძინება, მაგრამ ვერ იძინებს და ღამეს თეთრად ათენებს. ისეთი ხალხიც არსებობს, შუა ძილში რომ ეღვიძება და ხელახლა ჩაძინება უჭირს. თავის ტკივილი, ტანისა თუ კიდურების დაბუჟება, ყურების შუილი, კოშმარები და ვინ მოთვლის, კიდევ რა პრობლემა არ იჩენს ღამით თავს და არ ასვენებს ადამიანს. სწორედ მათ შესახებ გვესაუბრება პირველი სამკურნალო პროფილაქტიკური ცენტრის ექიმი, ნევროპათოლოგი, მედიცინის დოქტორი თამთა კოპაძე.

ყოველ ღამე, დაძინებისას, ჩვენი ცნობიერება თითქოს რამდენიმე საათით "ითიშება". ძილის დროს ვეღარ ვხედავთ, აღარ გვესმის, რა ხდება ჩვენს გარშემო. ძილისა და სიფხიზლის მდგომარეობა იმდენად განსხვავებულია ერთმანეთისაგან, რომ თითოეული ადამიანი თითქოს ორ სამყაროში ცხოვრობს. ძველად ადამიანები სიზმრებს განსაკუთრებულ ყურადღებას აქცევდნენ და მათში მომავლის ნიშნებს ხედავდნენ. როცა ალექსანდრე მაკედონელი სალაშქროდ მიდიოდა, მის ამალაში ყოველთვის იყვნენ სიზმრების ამხსნელები. მთავარი, რაც ყველა სიზმარს აერთიანებს, ის არის, რომ ამ დროს ჩვენ გვძინავს. ეს არის სულიერი ცხოვრება, რომელიც რაღაცით ჰგავს სიფხიზლის მდგომარეობას, თუმცა ამავე დროს მკვეთრად განსხვავდება მისგან. ამგვარი განმარტება არისტოტელესგან მომდინარეობს. როცა ძილისა და სიზმრების შესახებ ვსაუბრობთ, არ შეიძლება გვერდი ავუაროთ ზიგმუნდ ფროიდს.

ტერმინი "ძილის ჰიგიენა" ძილის წინ ჩასატარებელ ჰიგიენურ პროცედურებს (ხელ-პირის დაბანას, კბილების გახეხვას და სხვა) არ ნიშნავს. ეს გაცილებით ფართო ცნებაა და სხეულის სისუფთავესთან ერთად დღის მეორე ნახევარში ჯანმრთელობისთვის ოპტიმალური გარემოს შექმნას, კვებას, დასვენებას გულისხმობს. ჰაერის სისუფთავე ჯანმრთელობის ერთ-ერთი დაუძინებელი მტერი მეტისმეტად მშრალი ჰაერია. თამბაქოს კვამლი, ამონასუნთქი ჰაერი, ზოგიერთი ტიპის გამათბობელი ჰაერს ძლიერ აშრობს, რაც უარყოფითად მოქმედებს სასუნთქ სისტემაზე და შესაძლოა, ბრონქებისა და ფილტვების ქრონიკული დაავადებების გამწვავებაც კი გამოიწვიოს. ასე რომ არ მოხდეს, შეიძინეთ სპეციალური ჰაერის დამატენიანებელი. უკიდურეს შემთხვევაში შეგიძლიათ, გამათბობელთან წყლიანი ქილა დადგათ ან დაძინებამდე 1-2 საათით ადრე ოთახი გაანიავოთ. თუ ოთახში ტემპერატურა საკმაოდ მაღალია, სასურველია, ღამით საძინებლის სარკმელი ოდნავ შეღებული დატოვოთ.

ძილის სიღრმე და ხანგრძლივობა მრავალ ფაქტორზეა დამოკიდებული. მაგალითად, წინა ძილის ხანგრძლივობასა და სიღრმეზე. რაც უფრო მეტად დაიღლება ბავშვი, მით უფრო მეტხანს იძინებს. კარგად დანაყრებულს ტკბილად ჩაეძინება. მაგრამ ყოველთვის ასე როდია. ბავშვის დაბადებით გამოწვეულ სიხარულს დროდადრო მისი განუწყვეტელი ტირილი და უძილობა ჩრდილავს. ძილს ხელს ბევრი რამ უშლის: ტკივილი, მაღალი სიცხე, ხველა, გულისრევა, დახუთული ჰაერი... კიდევ რამ შეიძლება შეაწუხოს ღამით პატარა? ამაზე პედიატრი ლოლა ზვიადაძე გვესაუბრება.