ეკა ჭავჭავაძე

კუჭ-ნაწლავის ტრაქტი

* ღრძილების დაავადებები, კარიესული კბილები, კბილთაშორისი ჯიბეები.

* საკუთრივ სანერწყვე ჯირკვლების დაზიანება, ნერწყვის დეფიციტი, მისი გასქელება და თვითგაწმენდის შეფერხება.

* კბილის ნაწილობრივი და სრული, მუდმივი და ჩასასმელი პროთეზები - პროთეზოვან კონსტრუქციაში ყველაზე იოლად იჭრება საკვების ნარჩენები და ყველაზე ძნელია მათი მოცილება.

* პარაზიტი ჭიებით გამოწვეული ზოგიერთი დაავადება, განსაკუთრებით - ენტერობიოზი.

* დაქვეითებული მჟავიანობით მიმდინარე ქრონიკული გასტრიტი, კუჭისა და თორმეტგოჯა ნაწლავის წყლულოვანი დაავადება - ამ დროს ნელდება ცილოვანი ნივთიერებების მონელება და თავს იჩენს მჟავე სუნი.

* დიაფრაგმის თიაქარი -

როცა კუჭი დიაფრაგმიდან გულმკერდის ღრუში გამოდის, საჭმლის მომნელებელი წვენები საყლაპავში ხვდება და უსიამოვნო სუნს აჩენს.

სასუნთქი სისტემის დაავადებები

* ცხვირისა

და ყელის დაავადებები, განსაკუთრებით - ქრონიკული სურდო და ფარინგიტი (სასუნთქი გზების ლორწოვან გარსზე ასევე ბინადრობენ ანაერობული, გოგირდოვანი ნივთიერებების წარმომქმნელი ბაქტერიები, რომლებიც პათოლოგიურ პროცესთა გავლენით აქტიურდებიან და უსიამოვნო სუნს აჩენენ).

ჰორმონული დარღვევები

* ხშირად პირის სიმშრალე და პირის ღრუდან უსიამოვნო სუნი თან ახლავს მენსტრუაციამდელ სინდრომს, ესტროგენების დონის აწევა აძლიერებს პირის ღრუს სიმშრალეს, ლორწოვანი გარსის უჯრედების შეწებებას და ანაერობული მიკრობების გამრავლებისთვის ხელსაყრელ პირობებს ქმნის.

საკვები

* ცხარე სანელებლები, ხახვი, ნიორი, ყველი.

* ალკოჰოლი და თამბაქო.

დიეტა

* რა უცნაურიც უნდა მოგეჩვენოთ, პირის ღრუში უსიამოვნო სუნი შესაძლოა გააჩინოს დიეტამაც. ეს იმიტომ, რომ ცხიმის წვისას გამოიყოფა აცეტონი.

მედიკამენტები

* ანტიჰისტამინები, შეშუპების საწინააღმდეგო საშუალებები, ანტიდეპრესანტები, დამამშვიდებლები და წნევის დამწევები ამცირებს ნერწყვის გამოყოფას და ამით ანაერობული ბაქტერიების გამრავლებას უწყობს ხელს.

ჰალითოზი ზოგჯერ მემკვიდრეობითიცაა. ამ დროს პირის ღრუში უსიამოვნო სუნის გაქრობას დიდი ძალისხმევა სჭირდება, დანარჩენ შემთხვევებში კი ის ნამდვილად არ არის მოუგვარებელი პრობლემა, მისი მკურნალობის მეთოდები მარტივი და ეფექტურია. მთავარია, დროულად მიაგნოთ უსიამოვნო სუნის მიზეზს.