როგორ მოქმედებს ჭამის შემდეგ სიარული სისხლში შაქრის დონეზე
და მაშინაც კი, თუ არ გაქვთ დიაბეტი, სისხლში შაქრის დონის მკვეთრმა აწევამ ან ვარდნამ შეიძლება მომატებული ენერგიულობიდან ლეთარგიულ შიმშილამდე მიგიყვანოთ.
როგორც წესი, ორი რამ იწვევს პრობლემურ ჰიპერგლიკემიას,სისხლში შაქრის მატებას და ინსულინი არის ორივე მათგანის საფუძველი. შეიძლება გქონდეთ სისხლში შაქრის მაღალი დონე, რადგან:
პანკრეასი არ აწარმოებს საკმარის ინსულინს. საკმარისი ინსულინის გარეშე გლუკოზა რჩება სისხლში და ზრდის სისხლში გლუკოზის დონეს. ეს არის ტიპი 1 დიაბეტის დამახასიათებელი ნიშანი.
სხეული წარმოქმნის ინსულინს, მაგრამ ვერიყენებს მას სწორად. ამას ეწოდება ინსულინის მიმართ რეზისტენტობა და ასევე იწვევს სისხლში გლუკოზის მაღალ დონეს. ეს, როგორც წესი, თამაშობს როლს ტიპი 2 დიაბეტის განვითარებაში.
დროთა განმავლობაში სისხლში შაქრის მატება იწვევს სისხლძარღვების დაზიანებას.
დაზიანებული სისხლძარღვები იწვევს სერიოზულ გართულებებს, როგორიცაა:
- დიაბეტთან დაკავშირებული რეტინოპათია;
- დიაბეტთან დაკავშირებული ნეფროპათია;
- ნერვის დაზიანება, ნეიროპათია;
- გულის პრობლემები
ძალიან მნიშვნელოვანია სისხლში შაქრის შენარჩუნება ნორმალურ დიაპაზონში.
ჭამის შემდეგ სიარულის სარგებელი
სიარულს მრავალი სარგებელი მოაქვს ჯანმრთელობისთვის და ჭამის შემდეგ სიარული განსაკუთრებით სასარგებლოა სისხლში შაქრის დონის რეგულაციისთვის.
ჭამის შემდეგ, სისხლში გლუკოზა იზრდება მაშინაც კი, თუ არ გაქვთ დიაბეტი. სისხლში შაქრის დონე ყველაზე მაღალია ჭამიდან 30-90 წუთის შემდეგ. ეს მატება არის ბუნებრივი რეაქცია ჭამაზე და ეს არ არის შემაშფოთებელი, თუ გლუკოზა ძალიან მაღლა არ აიწევს ან არ რჩება არაჯანსაღ დონეზე.
მაგრამ კვლევამ აჩვენა, რომ ჭამის შემდეგ მოკლე გასეირნება: ხელს უშლის სისხლში გლუკოზის აწევას, ინარჩუნებს ინსულინის სტაბილურ დონეს.
დროთა განმავლობაში, ფიზიკური აქტივობა ეხმარება ორგანიზმს ინსულინის უფრო ეფექტურად გამოყენებაში, ამცირებს ინსულინის მიმართ რეზისტენტობას, რასაც ხშირად ვხვდებით დიაბეტის დროს.
კვლევამ აჩვენა, რომ მხოლოდ ორიდან ხუთ წუთამდე სიარულს შეუძლია სისხლში შაქრის შემცირება. ჭამის შემდეგ გასეირნება შესანიშნავი ჩვევაა, მაგრამ დიაბეტის მართვა მხოლოდ ერთ რამეზე არ არის დამოკიდებული.
მცირე სიარულმა ნაკლებად სავარაუდოა, რომ გამოიწვიოს ჰიპოგლიკემია, მაგრამ მძიმე ვარჯიშმა შეიძლება გამოიწვიოს შაქრის დონის დაქვეითება, ამიტომ ვარჯიშამდე უმჯობესია იცოდეთ გლუკოზის დონის შესახებ. თუ თქვენ გაქვთ დაბალი მაჩვენებელი, მიირთვით სწრაფი მოქმედების ნახშირწყლები გლუკოზის დონის ასამაღლებლად. მაგალითად, დალიეთ პატარა ჭიქა წვენი, მიიღეთ კოვზი თაფლი.
დიაბეტის მართვის სხვა გზები მოიცავს: ჯანსაღ კვებას, სტრესის შემცირებას.
