ფიზიკური აქტივობის როლი დეპრესიის დროს
ბოლო კვლევამ დაასკვნა, რომ სირბილის თერაპიას ანტიდეპრესანტების მსგავსი ეფექტი ჰქონდა დეპრესიასა და შფოთვაზე.
2023 წლის ოქტომბერში, ბარსელონაში, ნეიროფსიქოფარმაკოლოგიის ევროპული კოლეჯის (ECNP) კონგრესზე წარმოდგენილმა სამეცნიერო ნაშრომმა აჩვენა, რომ ვარჯიში იწვევდა უფრო ხელსაყრელ ფიზიკურ შედეგებს. თუმცა, ამ შედეგების მისაღწევად აუცილებელია რეგულარული აქტივობა.
ანტიდეპრესანტები ეფექტურია ადამიანების უმეტესობისთვის. ასე რომ, ანტიდეპრესანტები ზოგადად კარგი არჩევანია. თუმცა, ამ კვლევამ აჩვენა, რომ რეგულარულ ფიზიკურ აქტივობას შეუძლია შეამციროს დეპრესიის სიმპტომები, დეპრესიის მქონე ზოგიერთ ადამიანში.
მეცნიერები ხაზს უსვამენ, რომ ვარჯიშმა შესაძლოა ვერ ჩაანაცვლოს მედიკამენტები, თუმცა ვარჯიში სასარგებლოა, როგორც მკურნალობის დამატებითი ვარიანტი.
მეციერების რჩევით, ანტიდეპრესანტების მიღებას თან უნდა ახლდეს გაზრდილი ფიზიკური აქტივობა, ვინაიდან ეს დადებითად აისახება ფიზიკურ ჯანმრთელობაზეც.
სირბილი შეიძლება ყველასთვის არ იყოს სასურველი აქტივობა, დეპრესიის მქონე პირებმა შეიძლება მიიღონ მსგავსი სარგებელი სხვა, მათთვის სასურველი აქტივობებისგან, როგორიცაა ველოსიპედით სიარული, ცურვა, ფეხბურთის ან ჩოგბურთის თამაში.