რატომ უნდა ჩაანაცვლოთ რაფინირებული ნახშირწყლები მთლიანი მარცვლეულით და ხილით შუახნის ასაკში?
ხილსა და არასახამებლიან ბოსტნეულში არსებული ნახშირწყლებით.
კავშირი ნახშირწყლებსა და წონის მატებას შორის უფრო დიდი იყო ქალებსა და ჭარბი წონის მქონე ადამიანებში.
ნახშირწყლების გაზრდილი მოხმარება რაფინირებული მარცვლეულიდან, სახამებლიანი ბოსტნეულიდან და შაქრიანი სასმელებიდან ასოცირდება წონის უფრო მნიშვნელოვან მატებასთან შუახნის ასაკის განმავლობაში, ნათქვამია კვლევაში, რომელიც გამოქვეყნდა ჟურნალში BMJ.
ეს არის კარგად შემუშავებული კვლევა, რომელიც გვიჩვენებს ურთიერთობას, მაგრამ არა მიზეზობრიობას საკვების ტიპებს შორის, რომლებსაც ჩვენ ვიღებთ. ექსპერტებმა აღნიშნეს, რომ კვლევის შეზღუდვები მოიცავს იმ ფაქტს, რომ ის იყო დაკვირვებითი და კონკრეტულად ვერ განსაზღვრავს მიზეზს.
მარტივი შაქარი იწვევს წონის მატებას
კვლევამ აჩვენა რამდენიმე ფაქტორი, რომელსაც ექსპერტები მნიშვნელოვნად მიიჩნევენ.
ეს კვლევა კიდევ ერთხელ ადასტურებს იმას, რაც ჩვენ ვიცით მარტივი შაქრების შესახებ, რომლებიც ხელს უწყობენ წონის მატებას. ადამიანებს, რომლებსაც უკვე აქვთ სხეულის მეტი წონა, მეტი მოთხოვნილება აქვთ კალორიების მიმართ. ამგვარად, ისინი შეიძლება უფრო მეტად მოიხმარდნენ არაჯანსაღ საკვებს.
მკვლევარებმა აღნიშნეს, რომ კვლევა ხაზს უსვამს ნახშირწყლების ხარისხისა და წონის გრძელვადიანი მართვის მნიშვნელობას, განსაკუთრებით ჭარბი წონის მქონე ადამიანებისთვის.
ჯანსაღი საკვების არჩევა
ამჟამინდელმა კვლევამ აჩვენა, რომ საკვების ტიპები, რომლებიც იწვევდნენ წონაში მატებას, იყო დამატებული შაქარი და სახამებელი.
ოთხი წლის განმავლობაში მონაწილეებმა, რომლებმაც გაზარდეს ამ საკვების მოხმარება, მოიმატეს წონაში, მათთან შედარებით, ვინც რაციონში ბოჭკოს შემცველობა გაზარდა.
წონის მატება ხდება მაშინ, როდესაც ვჭამთ იმაზე მეტ კალორიას, ვიდრე ვწვავთ.
მკვლევარებმა განაცხადეს, რომ რაფინირებული მარცვლეულის, სახამებლიანი ბოსტნეულის და შაქრით დამტკბარი სასმელების ჩანაცვლება მთლიანი მარცვლეულის, ხილისა და არასახამებლიანი ბოსტნეულის ნახშირწყლებით, თანაბრი პორციებით, ასოცირდება წონის ნაკლებ მატებასთან.
ნახშირწყლების ხარისხი ხშირად უფრო დიდ როლს თამაშობს წონის დაკლებაში ან მატებაში, ვიდრე რაოდენობა.
რაფინირებულ ნახშირწყლები და მაღალი გლიკემიური ინდექსის მქონე საკვები მეტაბოლიზდება ბევრად განსხვავებულად, ვიდრე ბოჭკო და დაბალი გლიკემიური ინდქსის მქონე საკვები პროდუქტები.
ჰარვარდის ჯანდაცვის თანახმად, პირველ რიგში, უნდა მიმართოთ დაბალი გლიკემიური ინდექსის მქონე საკვებს, რომელიც დაგეხმარებათ წონის კონტროლში სისხლში შაქრისა და ინსულინის დონის შემცირებით. ეს ასევე ხელს უწყობს კიბოს, გულის დაავადებების და სხვა ქრონიკული დაავადებების რისკის შემცირებას.
ზოგიერთი დაბალი გლიკემიური ინდექსის მქონე საკვები მოიცავს: შვრიას, ლობიოს, ოსპს, ბარდას, არასახამებლიან ბოსტნეულს,სტაფილოს, ხილს.
საშუალო ასაკის მიახლოებასთან ერთად, ადამიანების უმეტესობას, განსაკუთრებით ქალებს, უვითარდებათ ინსულინის მიმართ რეზისტენტობის გარკვეული ხარისხი, რაც ხელს უწყობს ცხიმების შენახვას და ართულებს წონის დაკლებას. იმ შემთხვევაშიც კი, თუ თქვენ არ იღებთ ჭარბ კალორიებს, რაფინირებული ნახშირწყლებისა და შაქრის მაღალი შემცველობის საკვებმა შეიძლება გააუარესოს ინსულინის მიმართ რეზისტენტობაა და ხელი შეუწყოს წონის მატებას.
რაც შეეხება ბოჭკოს, ბოჭკოთი მდიდარი საკვების მონელებას უფრო მეტი დრო სჭირდება, რაც უფრო დიდხანს გინარჩუნებთ სისავსის შეგრძნებას, ასე რომ, თქვენ ავტომატურად შეჭამთ ნაკლებს. ბოჭკო ასევე ხელს უწყობს გლუკოზისა და ინსულინის დონის დაბალანსებას.
მკვლევარები აღნიშნავენ, რომ წონის დაკლება და მისი შენარჩუნება ადვილია, როდესაც მეტ ყურადღებას აქცევთ კვების ხარისხს იმის ნაცვლად, თუ რამდენ კალორიას ან ნახშირწყლების რამდენ გრამს მიირთმევთ.